ما أحلى سماك ...

مَ أحْلى ربّكْ..

زعْما نقلّك انا نحبّكْ.. 

ونهْدي وردة تسْعَدْ قلْبكْ.. 

و نعاودْ غزلي ونودّكْ

 وإذا طوّلتي في صَدّكْ، 

وعملتي فيها حشّـامهْ.. 

وإلّا منقُورَة و مِسّمَامَهْ

تطلعْلي الكلبة .. ونْسِبّكّّ

مَا أحْلى ربّك ..

مَ أحلى سَمٌاكّ..

زعما نتقابل ناويّاكْ

ونفرحْ كالعادة كِ نَرَاكْ

وتتعلق روحي بمسّاكْ

وتطلعلي ونخطب باباكْ

يفرحلي ويقول : نعمْ

وهوّ آش فيه  ويتْذَمْ ؟

حتى لو شافوه معَـاكْ

مَاحْلَى سَمَـاكْ ..

______

المهدي/ الحلّاج الكافي..