متوحشك ...

 مِتْوَحّشِـكْ ..

حتّى الوَحشْ اتْـهًَـدّْ 

وْفَـاڨِد بِـلَاشْ سْنَـدْ ..

وْٱنَا شْكِيتْ وْمَا سَمَعنِي حَـدّْ .. 

اُرڨدْ خلّي اللّيل ياخِذٍ ثَاركْ .. 

ويُمكِنْ يِطَفّي نَـارِكْ.. 

ويعلّمِكْ الصّبر وَقت الصّـدّ 

مِتوَحّشكْ .. حتّى الصّبْر اٍتـهَـدّْ

مِتوَحّشك ْحتٌى الْوَحشْ وْفَـى

 وِبْـقِيتْ مَـانِي نَـا..

غِيـر اشْبِيـهِـي في الخِيَـالْ بَـقَى 

ويَـا طِيفْ مَـاكشْ مِنّي 

انتَ الخَوَاءْ ..وانَا الرّبيع والمَـاءْ

متوحّشِكْ حتّى الوَحشْ وَفَى..

الحلاج الكافي ...

أؤنبئكم عن الوجع ؟

 

نَامِي و لا تَجْزَعِي ..

أنا ...

مَنْ يُـرَمِّمُ رُمُـوش النّساء

بكُحْـل الحُـروفِ ..

و يمْنح حاجبَـهنَّ

شكل الهلال ..

و ظلَّ الخُـسـوفِ..

نامي ..

فإنّ النّساء يجهّزن  

بظاهر الدّمـع 

و كـتْمِ الـنّـــواحْ

خيول الرّحيل 

قـُـبيْـلَ الصّباحْ..

أؤنبئكم عن الوجعِ .. 

عن الأحلام قاطبة

عن الصّمت عن الدّمعِ .. ؟

°°°°

أؤنبئكم عن الوردة 

عن الاوجاع ... عن الحرقة

عن الآلام و الوضعِ.. ؟

عن النّبش عن الحفر 

عن الكأس عن الخمر

عن امرأة لا تأتي

عن الموعود بالصّبر

عن الرّجل الذي بان 

جريحا عاري الظّهر ...

°°°°

أأعلمكم عن الغربة ؟

و عن ليل سيؤذيني

وعن نجم يراقبني

ويسقمني ويشفيني

وعن مطر ستغسلني 

وفي السّغب سترويني 

كأنّي مـزيج الـتأويل 

أحتار و يضيع دليلي

فيصير الشكّ مأوايا 

و أبات سجين التّعليل

-------------------------------------

الحلّاج الكافي / المهدي ..

يُصعب برشااا ....

 

يُصعُـبْ حَـــالي ..

عَ اِللِّي هِبِـلْ اهْـبْـالْ مِثْـلْ اهْبَـالي

وعَ سَاهْـرَات اللّـيلْ في مِيجَـالِي

وعلى أمّْ حَارِڨْ في البْحَـرْ ضَنَاهَـا 

وعَ كـلّ منْ شَـڨّْ الـبُـرُور وجَــالي

وعلى كُلّ فَـاهِمْ كِلْمِتِي ومَعنَـاهَـا

حَـالي يُصْـعُـبْ ..

اللـّه لا يعْـطِـيـك شَـيْ اِلْ يغـلِـبْ

عدّيتْ عُمري في الملاعب نلعَـبْ

لا غـدرتْ مَـرّة ولا كـذبت عـليهَـا

نهار اللّي ڨُتلكْْ يـا هْلَا يا مَرْحَـبْ

نـلْـڨى الڨُـلـوب مُـوَطّيَة عِينيـهــا

يُصعُـبْ بَرشَـه ..

عَلْ لّي مْثِيلي مَـا يطيڨُـو فَرْشَه

وعلْ لي تعلّـڨْ في الغرَڨْ بِڨَـشَّه

وَعَ يتِيمْ فَاڨِـد الوالِـدة ودفَاهَـا

وعلْ لِّي شَدّْ الشُّـوكْ شَدّْ الكَمْشه 

وَعَ مِنْ ضيّـعْ سْفينْتُو ومَرْسَاهَا

يُصْعُـبْ يََـاسِـرْ...

عَ إلْلِّـي مْثِـيلِي بَـاعْ وهُـوَّ خَـاسِـرْ

وعَل ْمِنْ كتبْ بيمِينْ بِإيدْ العَاسِـرْ

وعللي حَـزنْ بَعْدْ الفَـرَح وزْهََـاهَـا

وعللّي حرڨ في بَحر مُوجُو كَاسِرْ

وعلى مِنْ ترَكْ عِيلَة بِلاشْ عْشَاهَا

يُصعُـبْ نِــزْهْ ...

عَ الْلّـي ڨَـعَـدْ وحِـيد يُـومْ الحَــزَّهْ

وعَ لَابْـسَـاتْ الجُـوتْ بَعْـدْ الخَـزَّهْ

وعلى رَهِيـنْ عِلّـة مَالْڨَـاشْ دَوَاهَا

وعَ رضِِيعَ يبْكِي عَ الصّدَر والمَـزّهْ

وع إِلْلّي بَنَـى بَـنْـيَـة وَمَـا عَـلّاهَـا