سايس....

 

جَايِرْ حُبّكْ فَاتْ حدُودَهْ..يا سِمْحَة لَوْصَافْ غْـزالْ متَعّبْنِي بِشْرُودَهْ ..سَـاكِنْ بَـرّْ الكَـافْ يِعَانِد ومْكَثٌر في عنُـودَهْ..لا يحَكّـر لا يَرَافْ لَحظِكْ كِالْحَربة المَغْمُودَهْ.. بِالشْفْرَة نَسٌَـافْ تعّبني ڨرعُونْ خْدودهْ.. وْنَـا ڨلبي شفّاف .......

سايس ع ڨلبي ..

بالله سايس ع ڨلبي

سَايسْ عَ قلبي.. نَا قلبي فخّار الطّينة

سايح بيه شقف سفينة لا يحمل غلّْ ولا ضغينة ولا يعرف يجحد لا يخبّي..

بالله سايسْ ع قلبي.

سايس ع ڨلبي

نا ڨلبي ملفوف حرير

أخضر مثل أعشاب غدير

وين تروحي يحبّ يطيرْ

ويضحك ما يعرفش الكُبّي

بالله سايس ع قلبي ..

سَـايـسْ عَ ڨلـبـي ..

بالله سَايسْ عَ ڨلبي.

نا ڨلبي حُوضْ النّعناعْ

وينْ تغرِسْ ديمَا نفّاعْ

صافي كبيرْ وْمالُو رْدَاعْ

فرّغْـتُو وَصْبَحْ مَعَـبِّي..

بالله سايسْ عَ ڨلبي..

سايس ع ڨلبي..

نَـا قلبي مَرْكبْ في المـينة

شـابِكْ في المرساة رهـينة

لا فرح لا دار الزّينَة

يسْرحْ وقت إلْ إنت تحـبّي

باللّه سايـسْ ع قلـبـي.

سايس ع ڨلبي

نا ڨلبي مراية وبلاّرة

سرّو ديمة هوّ جْهَاره

هامل ما يعرفش دبارة

والحبّ يجرجر ويدربي

بالله سايس ع ڨلبي..

سايس ع ڨلبي

ننَا ڨلبي تايه في غَيّة

كلما ما عشق يڨول شويّة

يمشى كما تڨولي بالنّية

طايع وع دينك متربّي

الله سايس ع ڨلبي.

17 février 2021

 

 · 

Partagé avec Moi uniquement

 يِسْعِـدْ صبَـاحَكْ يا فْطيـنْ البَــال ..

آه يا نحيـفْ القَـدّْ ..

خُطـوة خفيفة ومشْيـهَـا تـعْـدالْ

من شَافَهَـا تنهّـدْ.. 

على أكتافها مَرْمِي حَرٓير الشّـالْ

مَطْـرُوز طَرز الهِنْـدْ

وْعلى سِتْرها حَزام الڨُطْـن ميّـالْ

سُـترة وتصْهِـد ضهْـدْ

يـا "غْميڨْ لخْـضَـر" ما عادْ ما مَازالْ

حتّى اللّحـاد تِـرَدّْ

---

انا ريتْ بُوسة خَالْ 

زَرع البهاء عَ الخدّْ..

وحاجبْ ڨُوس هْلالْ 

فوڨ العيونْ يتمدّْ

ورموشْ سُود طْوالْ

بلا كُحلهم تِسْـوَدّْ

والفـمّْ شَيْ اهْبَـال 

شفايف شَواشِي الوَردْ

والوِجْه بَدر اكْمالْ

فْ نُصفْ الشّهر عدَدْ

وانا وِصفْت غـزالْ

وما فاتْ وصفي حَـدّْ

---

يِسْعِـدْ صَبَاحِكْ يا خفيـفْ الظّـلْ

يا نسيـمْ الصّيـفْ ..

ويِـدومْ نُـورك مِثْــل بَـدر اِكْمِـلْ

لا فيهْ ذَمَّـة وحِيـفْ ..

وكهـلالْ في رُبع الشَّـهَـرْ يـهِــلّْ

سُـورة بِـلا تَحْـريـفْ ..

سُبحَـانْ منْ خلقـكْ بَـلاش خَلـلْ

جميلة بلا تَتْحِيـفْ ..

يا أمّ  الخـدُود  النّـايـرة  كالفُــلّْ

قتَلْتِ حَبيبْ رْهِيـفْ..

وِشْهِِـدتْ فيهـا ظالمـة  وتِعْـدِلْ

والحاكمة بالسّيفْ..

وأنا عِشِقتْ وقلتْ برْشَة غَــزَلْ

وشُغْلي شُغُـلْ سْعِيفْ..

وكـلّْ من غَـرِقْ انْمِـدُلُو الحَبَـلْ

معْـروفْ صاحِبْ كِـيفْ..

وأنَا عَشقـتْ والعِشْـقْ كُـلُّـو ذُلّْ

ما عَـادْ عِنْـدي نِـيـفْ...

وكُلّْ منْ نَصَبْ أشَرَاكْ فيهْا حُصُلْ

لو كانْ يَبـْدَى اِعْـريفّ...

ومنْ شَـقّْ أرضْ أفْخَـاخْ يِسْتَـاهلْ

يحصل كما الخطٌيفْ...

ومن شق أرض فخاخ يستاهلْ

لو كَـانْ قَصدُو شَريفْ..

.....

الحلّاج الكـافي

اذا زارني الموت..

 

إذا زارنِـي المُــوتْ.. آشْْ  تِـدِيـري ..؟

وإنتٍ إلْلي كنتٍ دافية فِ سريري

وانتِ اللّي كنتٍ مِـن البِعَـاد تِتٰكَـدٌرْ

وكٍ- تشـوفني  بين البنـاتْ تِغِـيـري .. 

إذا زارني الموتْ ..ٱشْ الْ يَـجْـرى

وانتِ  اللّي كنتِ في جناني زَهره

وانت اللّي كنتِ كاسِية وما تَـعْـرَى

وانتٍ اللّي كنتِ تامـري وتْـشِيـري

(وكِ تشوفني وسط البناتْ تِغِيري)

إذا زارنــي المُــوتْ..آشْ تسَــاوي

وإنتِ اللّي ذڨْتي من اِيديّا شهَـاوي

وإنتِ اللّي ڨُلـتِ فِ الغياب نِـلَاوي

ويُحـرُمْ كُـحْلِي وحِـنّتي يا عْشيري

(ولا يذوڨْ غيركّ نِعْمِتِي وخْمِيـري)

إذا زارنـي الـمُـوتْ ..وَقتْ السٌاعَهْ

وقاضي الفَنَاءْ لا حَدّْ يلْوِي ذِراعَـهْ

وانتِ ڨُـلتِ صْعِـيبْ خَالِي اوْدَاعَهْ

وطريق الحزنْ ماهوش هوّ مسيري

(ويا موتْ ابعد على حبيبي وسِيري)

إذا زَارِنِـي المُـوتْ .. ومَــالُـو صَــدٌْ

والـمُـوت يِــزُور الـكُـلّ ... وَلَا بُـــدّ

يَـا هَـل تَـرى يَـبْـقَـى رْبَــاط الــوِدّْ

وإلّا يْجِيـكْ الشّـكّْ حَـتّى تـحِيـرِي

(تڨُولي المُوت ماهُِوشْ فِ تَقدِيري)

_____

الحلّاج الكافي( م.ڨ.)   

لا تقرأ قصيدة ...

لا تقْـرأْ قصيدةََ في الباصْ

النّاس مُتْعَبُـــون 

لا يسمعون الشّعـرْ ..

و قاطع التذاكر ..

لا يفهمُ في الأمرْ..

وأمّــك تنتظر

ببيتها في "السّرس"..

…………………

لا تقرأ قصيدة في مركب البحار 

النّاس قانطون ..

و الكل خائفون..

 أحلامهم الآجلة 

في الضفّة المقابلة.

………………

لا تقـرأ قصيـدةً  في البَــارّْ

ستـذكرُ الوقـائـعَ

وتؤلّـب المَـواجـعَ

وتُسـرف في الخمـرْ

وتبـدّد الايجـــارْ..

-------------

لا تقرأْ قصيدةً في النّادي

النّادي بلا عنوانْ 

والشّعر بلا بيانْ

والسيّد المــديـرْ

لا يحسنُ التدبيـرْ

ونصّه المحبّـذُ

 في فخـذ السّـريرْ..

------

لا تَقْــرَأْ الشِّعْـرَ في حَـانة الفُـقَـراء 

لا تغنِّ ما قاله العاشقُ في الرّحيل 

سيكتشفون سيرة فَـادحةْ ..

وتُـزعجهم لهجةٌ مَـالِحَةْ ..

ويُسْـكِـرُك  شَوقُُ للتُّـرابْ

وسهْـوََا تدفع كأسا

في جَـمْـعِ الحسابْ ..

للنّـادل الكذّابْ..

لا تقرا قصيدةً.

 على ضفاف الجسـر

ستُوغل في النّهـر

ويغضَبُ منك البحـر 

وتهرَب الأسمـاكْ

حتّى لا تـراكْ

بين ذَا وذاكْ ..

ح.ك.

------------------------

الحلّاج الكافي/ المهدي .

نا جيت م الكاف .

 

نَـا جِـيتْ مِ الكَافْ عَـالِي البِنَايَـا

حَــامِلْ رِجَـايَــا..

ومِـنْ شَـافْ سُعَـاد يِـفْهِمْ بِِكَـايَـا

---

نَا جيتْ مِ الكافْ حَبّيـتْ نُشْعُـرْ

على زيـنْ يُظْـهُـرْ ..

كما البَدر يُشرُقْ سِمحْ المَنْظـرْ

اللّـه واكْبــرْ..

مِنْ شــافْ سُعادْ بزينها اِتْـخمّـرْ

تُـظْـهُـر كَمَا مَريــمْ في المِـرَايَـا

ناجيـتْ مِ الكَــافْ عَـالي البِنَايَـا

---ا

لحـلّاج الكـافي..

نستاهل جيتك ...

 (2)

نسْـتاهلْ جِـيتَـك حَــفْـيَـانَة 

بحقيقة و صدْق و أمـانــة

بلا دمْعـه ضوّيتْ الشّمعة

مخْـمورة  بحُـبّك فَـرْحَانة

حتّى النّـاس اللّي لامُـوني

و سمّوني طـفْـلة زعْـبَانة 

لمّا عَــرفو قَـلبـكْ دُونِــي 

و عَـرفُوني بحبّـك ملْيـَـانة

قالــوا مَـظلومة و مسكينة

محْــبـوبك بــدّل عـنّــوانه

و نكر جميلك في مَرضاهَا

وْمَـا دَفَعْـتِي حتّى يشْـريكْ

سَــاقـيّا و جَـــابتْـني لــيــكْ

زيـدْ تشـمّتْ صَــحّــة لـيـكْ

--------------------

المهدي/ الحلّاج الكافي ..

 عِـطـرٌ كَـافِي ...

فَـاحْ عِطْـرَهَا فْ حَـارَةْ الْكَـافْ..تِجْلِبْتْ وْهَـاجْ رْيَـافِي 

ومِنْ عِشْڨِتِي بِتّ طَوٌافْ.. وِتْعَـنّيتْ مِ السّرسْ حَافِي

وهَبّيتْ كِـالرّيـح هَـفْـهَـافْ ..  عَلَى رِيـمْ رايِـمْ وْلَافِـي

وِتْعَلّيت كَمَا طَايِـرْ السَّـافْ .. وْفِي وَكْـرَهَا بِـتّْ دَافِـي

مَـعروفْ فِالفَـرَح ضَيّـافْ .. وإذا حَفَلْتْ نِكْرِمْ ضِيَافِي

وْتسَمّيتْ بِالمِيـمْ وِالْـقَـافْ .. حَـيّـار نُـومْ الْـعَــوَافِـي

الحـلّاج الكـافي (م.ق.)