يا وطن ...

يَا وطنْ آشْ تحِبْ؟ .. لا  فِيكْ رُوح وڨلْبْ

ترْكُوك حتّى اوْلادكْ..منْ قَهرتِـكْ والْـغُـلْبْ 

من جَفْوتِكْ هجْـرُوكْ..وْشَڨُّو بْحَـار الرُّعبْ

تبـدّلْ عَلَمْنَـا نْكِـسْ..ولَبْيَضْ صَبََـح رْمَـادي

ويا وَطنْ آشْ تريدْ.. بعّدتنِي على اكْبَـادي؟

 أعُودُ اليكُمْ سَلِيمًا مُعَافَى 

منْ جَلَطة القلب

من الحُبّ ..

من جمرة الانتظار 

وضربة عين الرّقيبْ ..

اعود أليكم كنجمة صُبح

أظهرُ ساعةً كيْ أغيبْ..

أعود إليكم ماردا وخُـرافـة 

أعود إليكم سالما من همومي

طاردا للسّخافـة ..

أنا الآن أبيضُ صامتٌ

كالكَفَنِ الهَارِب منْ جُثّة مُثْخَنَةْ

و هذا النّحيبُ ليس نَحِيبي ..

و كلّ التّوابيت تخلوُ منِّي

منْ فكرتي و جنـوني ..

أعودُ إليكم طليق اللّسان 

و الحُنْجُرَهْ..

فلا تقرؤوا كذبًا في غيابي

سُـورة المـَوْت و المَقْبَــرَهْ

--------

الحلاّج ( المهدي القاطري) .

18 أوت 2015 تونس.

اش كان عليه ..

ااش كان عليه ؟ 

كْآشْ كَانْ عليهْ..؟

لوْ بِتنَـا فِي اللّيلْ سْهَـارَة 

بْعِيـد على شُبّاكْ الْجََـارة

انا نُشربْ كاسي ونتغـزّل 

وعليكْْ انتِي صلاة الكَفّـارة

كأسي وصلاتـكْ في صفاهُمْ

عِطْـر يبِيعُـوهْ العَـطّـارة 

ْانا نبيعُـو وانتِي تشْريه 

آشْ كانْ عليهْ .. ؟

أسمر ..

أسمَـر ولُـونِي ڨَـمْـحِي .. وْفِي الشّمْس انُـوَلّي مْـرايَـا

وِنْقِيمْ فِ العِـرسْ فَرحي .. وبالصُّـوت يَـعْـلَى غْنَـايَـا

ونُـربُـط مْسَايَا بْـصُبْحِـي .. إذا طَــار نُـومْ الـصَّـبَـايَـا

وِكْلِـيت كَرمُـوسْ* زِيـدِي 

                   كْمَا تِشْـتِـهِي كْمَـا تِرِيـدِي

اسْمَـر وْمَـانيـشْ ابيَـضْ   ..   وْلَـمّـاع لُـونِـي وْذَاتِـي 

واذا غْضَبْت نُترُكْ ونُرفُضْ.. وإذا رْضِيت نَـهْدي حيَاتي 

وإذا كْلِيت مَانِيشْ مُغْـرُضْ .. وإذا شْربْت هَات البِتَـاتي

        تَعرفْ العسَل بالذّواڨَـة

                           ولِكْريمْ يِبَانْ مِ العَلاڨَـة

أسْمَـر وڨَمْـحِي السّمَايِلْ ..  ومِنْ طَلّتي يَعرفُـوني

لا نْـهَـابْ حَـرّ الـڨَـوايِـلْ ..  ولا اللّيل ينعّس جفُوني

وعَـدّالْ مَـا كَـانْ مَـايِـلْ ..  وسڨّـامْ مَـا كَـانْ دُونِي

 وأصل المَحبّة سَلامَـة 

                   ما هِيشْ فِعـلْ النّدامَـة

________________

(الحــلّاج الـكـافي)

* كرموسْ: تين

مولايْ .. لا حظّ لي.

أقيمُ مع غُربتي 

أنا المُـتبتّلُ ..

أمارسُ خُـشوعََـا 

طقُـوسَ السّفَـرْ

مَــوْلايَ .. 

لا حــظّ لي ..

سأصرِفُ عن امْـرأة 

(تُجـزّ حَشَاشَـة صَدْري )

كلّ النّــظَــرْ ..

مَـــوْلايَ .. 

هذا كتـابُ العُمُــرْ

يقولُ تَـهيـمُ وحيدًا 

و تَتـركٌَ ديــَر الأحـبّـة ..

 كراهِـبٍ .. 

آمَـنَ باللّـه .. 

ثُـمّ كـَفَـرْ .. 

مَـوْلايَ..

لا تَغفـر ذُنُـوبي 

فإنّ ذنـوبي كعُشبٍ نَـدر

ستُصبـحُ نَضحًـا 

وقَطـرًا 

ومَـاءً ..

وريـش جنَـاحي  

حينَ أفُــرّ..

مَـوْلايَ ..

لا حَـظّ لي في النّعيـم..

نَصِيبِـي كتبْـتَ

جحيـمٌ سَعـرْ..

مَـولايَ.. إنّي زرعتُ نَبَـاتًـا

سَيَنْمُـو دونَ صَـلاة المَطـرْ..

----------------------

الحلاّج الكافي م.ق.

تونس ، صيف 2016 ..

بنادم .. او حالة بحالة

حالة بحالة ..

بَـنَادمْ إذا خانوهْ أجْيــابـهْ ** وقََــلَّ عليهْ المَـــالْ

يغْـلط يتعَـثّرْ في جَـوابـهْ ** ويـقُــولْ الـمُحَــالْ

ويضيَّـعْ عَـقْـلُـهْ وصـوَابـهْ ** ويـتَـلِّـفْ لَـقْــــوَالْ

وعَ لَحْبَـابْ يسـكّــرْ بَـابـهْ ** ويـكَـثِّــرْ لَـقْــفَـــالْ

ويُوصِـلْ فِ اعْـداد الـكـذّابـهْ ** ومـقَـامْ الأرْذالْ

ويَسْـألْ ما يلـقـاشْ أحْبَابـهْ ** وتتْـشعّـبْ لَـحْـوالْ

وتكْـثَـرْ أوجاعَـهْ و أعْطـابَهْ **وماعَـادشْ يِـتْعََــالْ

و يولّي لباسُـو جَـلّابة  ** و يمـشي بَــلاشْ نـعَــالْ

.......................

الحلّاج الكافي م.ق.

ما غاضني العدوّ..

مَــا غَـاضني العــدُوّْ في ذمَّـــاني..

طبيعَـة حسُـــودْ زايــدة المَـــرَضْ

نَـا غَـاضني الحبيـبْ زاد عَـطـاني..

وشاركْ عَدوِّي، و في ڨِـفايا قَـرَضْ

تمنّيـتْ هـذا الوقـت مُـوشْ زمَـاني

وتمنّيتْ بِـكْـري صُحبتِـي تِـتْـفــضّْ

غدر الخسيسْ محسوب في عَـدّاني

وغدر الصّديقْ  ما لقيتْ ليهْ عَـوَضْ

نَـا حْليبْ أبيـضْ، والبَـيَـاض رَعَـاني

إذا اعطيتْ عهدي ما عادْ فيه نَڨَـضْ

عَڨـابْ العُـمر نَـا لـڨِـيتْ في البَـرّاني

ڨـلب احْـنيـنْ مَـا فِيهْ حَـتّى غَـرَضْ

وكِي سنِدتْ ظهْـري للغـريبْ حَمَـاني

مِـنْ طَـمّـعُــوا بالـغَــدر، صَـمّْ رفَــضّْ

المهدي القاطري (الحلّاج الكافي)