جميلة الاخوانية ..

 المشهد الرمضاني الثالث(3)

الى نائبة قالت :"اشربوا ماء البحر"..

------

شَبْشُوبَة* يا وِجْه المِعْزَة .. أعْـمَى مِنْ سَمّى جَـميـلة

لا نِيفْ* ولا تِكْسبْ عِزّةّ.. كالـبُومة ما فيها اسْمِيـلـة*

عََ الكرسي تُـقعدْ كالكَـزّة*.. رُقْـعة* وجيعَـانة وذْلـيلـة

 مَنْظرْهَا َعلْـقَة  فالخـزّة*..وإلّا جَـرانة* في ڤَــمِـيـلة*

تـدّحْدَحْ تمْشي كالـوزّة .. جَمرة خـبيثة مِ التّـصِـيلَـة*

كالجحْشة رِبايتْها هَمْـزة..نَـابِتْ في المجلس بِرْذيــلة

لا ذكيّة لا تفهم غَمْــزَة ..تربّت عَالخُبث وعَالحِيـلـة

مَطْعَمْهَا شُربَة بِالغَــزَّة* .. مَهْـتُـوكة والرّوح ثـقيـلة

برّهْ الله يعطيـها هَـزّة .. نـرْتـاحـــو منها في ليــلــة

-------

*شَبْشُوبة : شعثاء. 

*نِيفْ: أنفة

*اسْميلة : لا سِمَة جمال فيها. 

*الكزّة : شوك لا نفع فيه.

*الخزّة: الماء الراكد او الطّحْلب.

*رُقْـعَة : قليلة الأدب.

*قميلة : اَنية قديمة.

* جَرَانَة : ضفدعة .

*التّصِيلَة : الأصل والانتماء.

* الغَزَّة: الرمل في الطّعام .

--------------------------------

الحلّاج الكافي 

تونس ، رمضان 2020.