أنا غزالي قاسي مِتْكََسّحْ

قلبُو مُوشْ معايَا ..

تاركني و ماهوش موضّحْْ

شامت فيّا نهايا ..

خلاّني نبكي و نضـبّـحْ

و بين النّاس حكايا ..

قُـتْلُو يزّي أهْجعْ و أرْكـحْ

ما تزيدش في بلايَا..

زاد ذبحّني وسط المذْبحْ

و عطّبْني في حشايا ..

قعدْ دمِّي سايلْ و مسيّحْ

يا سامعْ مَشْكايا

----------

انا غزالي ديمة مشقّيني ...

عاملْ ع قَتْـلاني ..

كان نغيبْ يولّلي يجيني

و كي نحضرْ ينساني..

انا تعبتْ و منّو يزّيني

يوجّعْني بالعاني ..

انا طالب عدلو يحْميني

و يعدلْ في ميزاني

يمشي يخطاني ما عيني

وحدي نداوي احزاني ..

---------

الحلاج الكافي 29 نوفمبر 2014