الحقّ ...

..الحـقّ الحـقّ
تُغْـريني شامتـك
..ومُـــواء سـريك في اللّيل 
و الرّخم من صوت الشّهْــوْة
بَتَـلات النّهديْـن .. أيضًأ 

وحفيف الهمْـسِ ...منْ أمسِ
أرجــوكِ .. يا أنتِ
نَـامي في حضن مُغامـرْ
فاليــوم فقط
كُوني مُشرقة كالشّمْـسْ
..في بـرد ينايـرْ
-------الحلاّج الكافي
الكاف / جانفي / يناير 2012

مواطن

شفتـــــــوش مُـــــواطن علمــــــاني وما فيبالــــوش بروحو لأنه وُلِدَ على السّـليقة والفِـطرة مُحبّا للمرح والفنّ والحيـــاة ويشرب البيـــــرّة كل رأس شهر وقت يصبّو الشهرية (المرتّب) ويعمل سكرة حتى يرى الدّيك حمارا ويحبّ الفنّان الشعبي "اسماعيل الحطاب" وامّ كلثوم وصليحة و احمد حمزة وساعات يدورها ويسمع "جاك برال" او "ايديث بياف" وبعض طلعات الجاز الرّهيبة "للويس أرميسترونغ" أو لجنّ البلـوز "فرانك سيناترا" ولما يبلغ نشوة الخمــر يسمع محمد عبد الوهاب ، ويحلف بالحرام كلّ ما يتغششْ ويغضب ويتعاراك مع اصحابو ويـدفع شويّة من فلوسو رغم الفقـر في الطّهور والعرس والموت ويموت على السّـلاطة مشوية و كعبة عـضم (بيض) مقليّة في الصيف وعلى كسكسي زردة (وليمة) سيدي عبد القادر وسيدي عمر البقراوي و يتفـرّج في الفريق القومي و يسبّ الملاعبية المتهاونين والمدرّب الجشع وكان لزم وزير الرياضة ويروح في الكار الصفراء ضاربو بوسفـــير من الدز ّ والفزّ وعندو ورقة الماء و الضوّ موش خالصة و كـرّاي وولدو وبنتو يكسرولو راسو على عُـومة في البحر صيفـا وعلوش في العيد الكبير، ولما يتعب من الصيام يفطر نهارات في رمضان ويدفع 5 دينارات بين قهوة وكاس ماء بارد المهم أن يكون المكان بعيدا عن عيون الرقيب ومنافقي شهـر رمضان المحترفين وعندو مرايات نظر ما بدّلهاش عندو سنين رغم أن الطبيب قال له ارجعلي كل 6 أشهر ويكره الترجي و الحكومة و مفتي الجمهورية وعرفو في الخدمة ويحبّ نومة على فردة البنك في الدار وك يروح يرمي الفيستة في بلاد و الصبّاط في بلاد و الكلاسط في الكولوار ويحكي مع اولادو على أساس أنه أكبر واحد في العالم منظّم في حياتو .. 

شفتوش واحد مثل هذا الشخص فجّر روحو انتقاما من الطاغوت ورغبة في متعة جنسية مع حوريات الجنّة وسكرة حلال مع الخلفاء الراشدين وصحابة رسول الله ؟

الحلّاج الكافي / المهدي القاطري
___________

مولاي...

زِدْني يا مولايا زِدْني
زِدْني عشقََـا 
زدني ألمََــا
زِدْني زدْني زِدْني زِدْني
زدني ولهََــا 
زِدْني ولـعََــا
زدني ترتيب الأشْياءِ
زدْني غوْثًـــا
زدْني مـــــاءََ
زدْني ظـلاََّ للرّمْضـــاءِ
زِدْني زدْني زدْني زدني
زدني طولا
زدني عرضا
زدني عُـشْبًـا في الأحشاء 

---
االحلّاج الكافي /المهدي ق.

بيني و بينك
ضحْضاحْ
و بلاذْ اشْباحْ ..
أرض رملها قدّاحْ
لا فيها رواحْ ..
كان لفاعْ الفْحّاحْ
ليلْ مع صباحْ
غاب حمام النوّاحْ
و كلْبْ النّبّاحْ ..
باقي قلبي اللّي عشقْ..
مِكْوي تحْرقْ..

___________________
الحلاّج الكافي (المهدي ق.)..
صحراء توزر ..افريل نيسان 2016
الصورة عدستي هذا الصّباح .