نَا نَغنّي وصّوتي مطاوعني..كلامي مَطْبُوعاتْ عَلَامَهْ
واللّي صَمِّتْ وِذْنُو سَمَعْني..انْفـهِّـمْ أكثرْ مِ الـفَهَّــامَــهْ
وانتي ياللي سِكِتِّي يعْني.. جَهَامَة وفوقْ الرّاسْ حَمَامَة
لا نفْعَكْ شِعْري لا نفعْني .. نَا نشْـكُرْ وانتي ذَمَّــامَــة
شُوفْ شِعْري ديمَا يرْفعني .. وأنتي قلبكْ فيهْ غَمَـامَة
لساني إذا نطقتْ يطاوعْني .. وأنتي بكُّوشة وِصْمَامة.
...
صمّت وذنك ما سمعتيش .. وإلّا شعري ما فهمتيشْ
عاركتك باش تفهم قصدي .. حتّى قربنا نمشو ريشْ
تقلّي يا سيدي حبّيتك... وعلى دينك نا نحبّ نعيشْ
وكي يجوك الحسّاد ورايا .. يطلع تمري مُرّ وسيشْ
وتولّي حكاية وراء حكاية..كلام الحاسد أصلو انبِيشْ
وليلة وعدك باش نتلاقو .. تقلّي ندمتْ وما عينيشْ
_______
م.ق. (الحلّاج الكافي).
29 سبتمبر 2020
