اشرب ...

 

اِشْـرَبْ ، 

سيخْدعُـكَ الشّعبُ ..

والحِـزْبُ ..

وتَتْرُكُكَ زينَبْ ..

ثُـمّ تَـرْتَـدُّ، وتَـعْـتَـدُّ.. 

بفَـراغ الكأس ..

وتُـشِـيعُ بأنّكَ سِـكيّرٌ

أو رجُــلٌ مُتْعَِبْ ..

اِشـرْبْ ..

و لا تكُـتبْ ...

في الحُبّ و زينبْ

عَـتـمُ اللّيـل ينصحُـكَ

فَانْـظرْ في الأمْـرِ..

و لا تهجُـرْ مائـدةَ الخمْـرِ..

و امْـدَحْ ...

سُلطان الوِحْـدة في المَضْربْ ..

اِشْـــرَبْ ..

اِشربْ..

ونُصْحي لا تكتُبْ

النّاس سواسية في الخمرِ

و خيط اللّذة  مشتركٌ

ولا يُوجدُ في الحانة مَنْصَبْ،

اِشْربْ..

لا تحمل همّ الشيطان

أو سندَ البعث و النّشر

في مَذْكورِ الأيان..

لا شيء يحتمل الفقه

وحديث المُشط والأسنان 

الكأس مُفتينا جميعا ..

يوم الخِلوةِ والدُّكّان ..

اِشْرَبْ..

إنْ غابتْ زينبْ 

أو حضرت بين النّدْمانِ..

اشربْ ..

فالخمرُ يقتلُ أحْزانكْ 

و يُحْيي مصادفة 

أحزان زينبْ .. 

و يبكيها حتّى ..

يدقّ الفجر على بابكْ ..

و تبتلّ دمعا 

حاملةَ الصّدرِ  

اشْرَبْ ..

فزينت تراك المعتوه 

و ترى نظراتك حدّ سكينٍ على المذْبح 

و تراك مأمور المسلخ 

وتراك موتورا

بصعقة عشقٍ

وتراك قتيـلْ

وتَـرى ..

مزيـج دمعها والخمـرة 

زيـتَ فتيـلْ ..

-------------

-2-

اشْــــربْ ..

فالكاسُ مطمور الأحـران ..

والليلُ صديــقْ ..

والبحر أهواء وشراع

وإن شئْتَ مَضيقْ

اشربها صافيةََ ودكْناءَ

خلّ ورفيــقْ ..

اشـربْ

اشـربْ

اشـربْ

واحْملْ همّـكَ

خَـمـرََا بإبـريــقْ ..

-----------------------------------------------

الحلاّج الكافي (المهدي ق. ) ..

أرق رمضاني ..

 قال صديقي الشّاعر محمّد مامي Mohamed Mami في أرق المحبّين  ما يلي :

عادي كِي نسْهر في الظّلمة    ***  طـار نومي و لا حـبّ يجِـيـنـي

نـدْعِـي نـسْـتـنَّـى فـي رَحْـمَـة  ***  باشْ نـهْـدى و نْغـمِّض عيني

والَـعْ نـسْـتـنَّـى فـي خِـلْـمــــة  ***   في أحْـضَانِـكْ لَـلَّــة صُـمِّـينِي

تـرْوِيـنِي و تـعْـطِـينِي كِـلْـمَـة  ***  من بَـالِـكْ لا  عَـادْ تـنْـسِـيـنِــي

وأجبته في سياق وعود الحبيبة الكاذبة:

عَادي كِ إنّادي وما تجَاوِبْ .. أصلْ العِشْـڨ بكُلُّو غْرايِبْ

 يامَا وعِدتي وبعد خْلَفْتِي .. وْنَا شاعر ما نَرضَى نْعَـايِبْ

ڨلـبْ الشّاعِر ماهُـو دليلُـو ..  يِكْـذِبْ كِ يـڨُـلّكْ نَـا تَـايِبْ

وياللي كِذبْتي مَرّة ومَرّة ...  وْزِدتِي عَ لجْـراح عطَـايِبْ

بَرشة غيرك قالوا تعَـالى..   وَاخْطَاك مِ الْ طبعُو خَايِـبْ

نِحنَا غَرسِكْ ونِحنَا زَرعِكْ .. وأنتَ مخلّي زرعكْ سَايبْ

الحلّاج الكافي ..

وفي نفس السياق أجابني الصديق الشّاعر محمّد مامي :

عمري عقب اشْ ما زال...عرفنا الباهي باللٌي فيهْ

اللي عشقتو جاء عالبال.. نغمض عيني نحلم بيه

نظمت و غنيت الموال...  و في شعري نتغزل بيه

و قلبي مكوي ع الملال.....حبيبي ما  نقد نسميه

هاني جيتك يا رمال .... حلمي فسر لي معانيه 

يا حلاج كون الحلال... تخاف نموت و ما نلاقيه

اذا واتت سبقوا الاجال.........هزّ وصيّة منٌي ليهْ

أمشي قل لو مامي قال ...تجيني لقبري تقرا عليه

نرضى يسقوني القتال... و يصعب نعيش بلا بيه

واجبتُ صديقي الشاعر محمّد مامي:

يطُولْ عُمرك ديمة فِالْخِيرْ ..  وْتبقى عَ المِنْوالْ تسيرْ

يا "مَامِي" راو ڨلبك أخضر .. وحشيشك نابِت فِ غْديرْ

مكتُوبْ على الشّاعر يَعشَـڨْ.. ويعـذّبْ ڨَـلْبُـو لِـكْبِـيـرْ 

ومكتوبْ أوجاعُو تتكاثر.. يجحدها  ويردمْ في بِـيرْ

وْمٍثلكْ يَامَا سهرت اللّيل .. حتٌى تشمَّت فِيّـا الغِـيـرْ

وْمِثْلكْ بِـتّ نعـدّ انجُـومْ .. وحدي فِ دبَادِيبْ الدّيـرْ  

صَابِـر نِتـودّد للـسّمْـرة ..     لـعَـلّ تجَـاوب وتشِـيـرْ

ويا "مامي" هاني نِستنّى ..خَايفْ ڨَبْري يُوَلّي سْرِير

واجاب الشّاعر محمد مامي :

في دنيتنا أحنا ضيوف .... و الخلقة تخاف الهبلة

و يا حلاج الشْاعر معروف كي يزرع يختار الشّتلة 

يختار يثبت و يشوفْ..و لا يحفر ساسو في رملة

و ديما يبعد ع الهفهوف...و لا يرضى عيشة مذلّة

و من يأكل لحم الحلوف.....ثابت خروجو م الملّة

و اللي عكستو الظروف.يموت شهيد يا شرع الله

في سريرك سايس و طوف.فحّجْ و سمّي بِسْمللّه

واجبته في صباح الغد بعدما اخذ مني النوم ..

مِنْ يِـمْلـكْ الشّعـر وفَنّـهْ ... يُدخُلْ يِتنَعّـمْ في الجَنّـة 

نِحنَا صَنعنَا افْرَاح الجِيرَة.. ولا غْـدرنا حَـدّ ولا خُـنًـا

ولا امْدَحنا مْنَادِبْ الشّيعَة..ولا نْصَرنا تَرَهْدِينْ السُّنّة

نِحنَا صَنعنا حيَاةْ جْديدة .. حُسْن اللَّمّة وبَاهِي الغُنّة

وبعِدنَا على ذْنُوبْ كْثِيرة .. منها الغِيبَة ومنهَا العَـنَّـة

ونحنا شِلنَا احمَالْ كْبِيرة ..فَاضْ السّيلْ ودِرنَا الـوَنَّة

ترَفّعنَـا على كـلّ رذِيلَـة ..  نْـهَـار الحَـاجة ڨُـلنَـا عَـنَّـا

وسْعِـدنَا غِـزلان صبَايَـا ..  يُـوم الفَـرح دَفَعنَـا الحِنّة

وِسْتَرنَا عُرُوضَات وْلَايَا ..  وفسّخْنا الشَكَّـة والظَنّـة

ويا مَامِي الصّادق فِكْلامِكْ .. نَا ضامِنْ إسٰعِد وتهَنّى

بحُـور الشّعر اللّي عُمنَاهَا .. تَشفَـع فِينَا بِلاشِي مَـنَّـة

سي بوبكر ..

 مشهد رمضاني ثالث (3):

شهاوي رمضان والسّحر والدوّارة ..

نهار جِمْعَة ع الصّبْحَة مْبَكّرْ..  هابط للـمَرْشي بشكـارة 

وفي العُصبانْ قعدتْ نفكّرْ ..  قلت عَشاـيا لِـيه ادْبَــارة

ناديتْ على "سي بوبكر"* ..  قُـتلـو هايْ نشروا دوّارة

قالّي اخطاني.. لا نكفـرْ ..    ماك تعرف مرتي سحّارة

والـدوّارة  منها  نُنـفـر ..    من يوم اِلْ وصّتني الجــارة

 قتلو امّـالا افرح وابشرْ ..    مَـرتكْ ماهـيشي مشــرارة

غير  انت مرمضنْ وتزمّرْ .. ودايِر في روحـك حُوبـارة

توّة ولّتْ مرتكْ تسحرْ ؟..   ولفعى ومشومة ومغيــارة ؟

يا قفري يا عيفْ المنظرْ ..  كِ خذاتك عرفتْ لـخْسَــارة

موشْ كنت تودّد وتْبَشْتِرْ .. ودموعِـك ع الـخـدّ حيـــارة ؟

باش تراكْ بعين وتُخزرْ .. وتضحكلك ضحكة مســرارة

وتمشي بجنبها وتتبخترْ .. ويـنْ تُعـرض  تهـدي  نــوّارة

اجبد مصروفك يا امقفّـرْ .. واصرف، ولا توصل لِبْذارة

يجيك نهار تموت وتَصْدَرْ.. وعيبْ الميتْ كثيرْ اعــوارَه.

رمضان 2021.

*طبعا كل تشابه في الأسماء مقصود .

الحلّاج الكافي.

_________

وفي موضوع الدوّارة والسّحر وشهاوي رمضان  أضاف صديقي الشاعر محمد مامي Mohamed Mami  تجربته في السياق قائلا :

نَايا لا نْبِـلّ و لا نْـعِـلّ *** نْعاني في النّـفْـس الأمّـارة  

مسْتانِسْ نمشي في الظلّ *** و عُمْري لا نعْمِلْ حُوبارَة

 عاشق ما عاد عنْدي عْقَلْ *** سِلْبَاتُو العُـودة المسرارة

 في حْظُوظْها نمشي لا نْكِـلّ *** خاضع لآحْكـام لُـوزارة 

 خلّتْني نْدَهْدِص لا نْدِلّ ***      مرّة شْرِيتِلْهَا دَوَّارة 

 و قُلْتِلْها يا زين الطّلّ *** اللّيلة نْغَنُّوا عَ الجَّرْجَارَة 

أنت ريقك سكّر و عْسلْ *** سحْرِتْني لَعْيُون حْبَارَة 

قالت لي غير كُولِ الْكُلّ *** و ما تْخَلّي فيها أمَارَة 

نا نُرْبُطْ و أنت اللّي تْحِلّ *** فالي ما تْجيبُو الصّبَّارة 

خُوكُم نِزْرِبْ بْلَعْاِ التّـلّ *** العُصْبانَة ما فيها مْرارة

 اليوم نرقصْ إذا ضْرَبْ طْبَلْ*** نْحَجِّلْ بِمْحَارِمْ ف الحارة

 عِرْيان و حافي الرْجِلْ *** يا كافي سلّفْني شْكارة 

النّاس يقُولُوا شْبِيهِ هْبِلْ *** تُظْهُرْشِ مَرْتُو سَحَّـارة 

واللّي ما يحِبِّشْ يِتْبَلّ *** ما يُقْعٌدْ تحْت الشّرْشارة 

واللّي يحبّ يحُوز الْكُلّ *** في الْمَرْشِي يِتْبَاعِ خْضارة 

يُصْعُبْ نَا نَرْضَى بالذّلّ ***نطلّقْها و ما نْقُولِ خْسَـارة

نعدّيه عوَيّم في الظّـــلّ *** و بعْد الرّبْطِيّة كفَّـــــارة

رمضان 2021.

محمّد مامي

يا فاطمة ...

  

غـُــــربَـة

----------

يا فاطمة نا زُرتْ بــرْشَــا مُـدُنْ..

مُـدُنْ كــالحة ما تحسّْ فيها حِـنّْ

ويا فاطمة حُيُوطْ المُدنْ ما أبْردْهَا..

لا فَـرشْ دافي ولا حنينة تـزُنّْ

ولا كلبْ ينبح لا رَحَى لا خْــلالة

لا ضْـرَعْ مالي لا شكاوي لبَـــنْ

ويا فاطمة طُلّي على رتْـعـتْـنّـا ..

وزيد ضَمّني الفـرسْ بِـالـرَّصـنّْ

ووصّيهّـا لا تلحقْ على جُـرّتنا..

لحْـم المدينة حمِير وإلّا حُـصُـنّْ

ويا فاطمة تلاقتْ مدينة وغُربة ..

ولحْم الغَـريب إذا بِـعِـدْ انْـتِـنّْ

ويا فاطمة لحْـم الغـريبْ تغرّبْ ..

واسْتَخْسـرُوا الڨبــرْ والكـفـنّْ

ويا فَـاطمة نَا جـارتي "صليحة"..

"الغُـربـة فَـنتْهَـا" ولا نَفَــعْ الفــنّْ

و لا "نجعْ سَاڨ" ولا تَِبعْ "بَكْرتها"..

ولا "خيلْ سالمْ" عَـارفة الوطـــنْ

ويا فاطمة إذا جُوكْ وسألو عليّا..

وشاعتْ أخباري بينْ شَكّْ وظنّْ

وجارُو عليّا نَـاسْ كانُو أحبابي..

وفتحُو جُرحي لِينْ بَـانْ ثَخِــــنْ

قُُـوليلَهُمْ تغرّبْ وعاشِرْ غُـربة..

ويا غُربتُو كُوني عسَلْ وسَمَنْ

وكلّ المُــدُنْ الصّاخبة حَبٌاتُــو..

وكلّْ منْ يرَاهْ يقُـولْ ضَاعْ وجَـنّْ

 يُـصعب عليه يعود لأرض انْفاتو

وصدّتْ عَـليه البابْ حتّى اذْعِـن

ويَـا فـاطمة نَـا غُـربتي دفْـنـتـني 

وما عرفت منهُـو حفَـر وإلّا دِفِـن

ويا فَـاطمة يهْـديـك لا تـلحَـقْــني 

إنتِي طــريّة وما تِطيـــڨي ارْزَنْ

وِانتي الطِّيبَة بضحكتكْ ودموعك

وْنـايَـا الصّـافي وْمَـا نْطيـڨْ خَـوَنْ

_________

المهدي / الحلّاج الكافي.

------

اشارات :

*صليحة : فنّانة شهيرة من دشرة نبّر من جهة الكاف سكنت العاصمة وماتت فيها.

* الغربة فنتها : اشارة الى اغنية صليحة " في الغربة فناني عمري راح .."

* نجع ساڨ : اشارة الى أغنية صليحة ، ســاڨ نجْعك ســاڨ ...

* بكْرتَها: اشارة الى أغنية صليحة "نا بكرتي شردت مع العزّابة " ..

*خيل سالم: اشارة الى أغنية صليحة المعروفة ب " ياخيل سالم باش روّحتولي" ..

------

الحلّاج الكافي ..

تونس في 15 نوفمبر 2018

لا وقت للفصل المبين ..

لا وقت للفصْل المُبيـنِ

بينَ حَرَامِهِم و الـمُبَـاحْ 

فابْدأْ صباحكَ بالمَسَاءِ

واخْتِمْ مََسَاءَكََ بالصّباحْ

إنّ لك مَـيْـزُُ و عـقْـــلُُ

وإنّ  للخـمْـر صِحَـاحْ

فـاختـرْ لك وَتـرٌ يَـلِـذُّ

ان كانَ في الوسْعِِ مِراحْ

فأنت مع الكأس شَدِيُُّ

فْابْرأْ بنفسك عن نُبَاحْ

-------------

الحلاّج الكافي .. (المهدي)

يا الله ..

 (هذا النصّ كتبته منذ خمس سنوات، اي قبل دعوات المقاطعة للسّلع الفرنسية)

----------

الحركة الأولى 

(1)

يـا اللّـه ...

إنّ امــرأةََ

اسْتـوْطنها الألـم ُ

تـقِـفُ على بـاب عـرشـك

تُخْـفِـي خُصلـةَ شَعْــرٍ

"صفـراء كَشَـواشِي الـذُّرة تحـت "الفُـولارْ"

تطلبُ مغفـرةَ ذنبٍ لا ضلـع لها فيه

وتقـول ان كتـابها زلاّت تُحْـصَـى..

أنا من زيّــنَ غِـوايتَـــــهَا

أنا من رتّـب خمـر شهـوتها

وانا صاحب هذا الذّنبِ..  يا اللّه

فلا تأخذْ عنها

و لا تـأخذ منها

و اًمْـحُِ أقــوال وُشَـاتـكْ

و ادخلها فـردوس الـرّحمة

"و اجْعلـها خـازنـة عطـر" الشّانيـل 

-----------------------

(2)

 ..يا اللّــه 

إنّ امرأةً تخدعها الــرّيح

..ويتآمر في غفلتها الفستــانْ

فتُشرِقُ من عانتها سُــــرّة

شُكـرا للـرّيح ومَـا عَـرّى

تتعثّـر في الخجـل والإرباكْ

.."وتُـسِـرُّ "لا بـرَّ أمانْ

ألُـفُّـها سَتْــرا بعَـيـنَـيّْ

وأكيـلُ الحَجْـبَ بِيَــدَيّْ

وأتسرّبٌ كرحيـق الشّهــوة

"من ثُـقـب "الـدّونْتــالْ

هيَ لا تدري من يحمـيــها

أو منْ أرسل ريحًـا تُعَرٍّيهَـا

من نظـر فيها نظَـر فيكْ

لو مسّهَـا بَـردٌ، تشكُـوكْ

مكّنهَـا يا الله من شرفَـاتِ العطـر

واتركهَـا في حَـوض النّهـرْ

لِتغتسل قبل الطّــوفان

"واجعَلهَـا خَـازنة عِطـرِ " اللّوران.

 (..يتبع)

الحلاّج الكافي ..

أكتوبر 2015

يشفعلك قلبي لكبير ...

 

يِـشْـفَـعْـلَكْ ڨَـلْـبِي الكَبِيـرْ

يِـسَـامِـحْ ويِـجِـيـرْ..

ويِـرْدَمْ غلـطاتـكْ في بِـيـرْ

يِـردمْ غلطـاتـك..

وينْساهُمْ ويمسَحهُمْ جِمْلَـة

نهـار اللّي ترجَـعْ

يضحِـكٰ ويعـرّضْ بالحَمْلَـة

ويخبّـي اجْـراحو

كِـنّكْ ما اعْمَلْتِشْ هَا العَملَـة

كِـنّـكْ ما خُنتُـشْ

كِـنّكْ ما اهْمِلٔـتِشْ ها الهَمْلَـة

كِنّـكْ ما كُنتُـشْ

تحتْ أشْفَـاري مِثـلْ الرّمْلَـة

ويعمِـل تَسْـخِيــرْ

ويَــردمْ غَلْـطـاتِـكْ في بِيــرْ

لا يشُـوف غَـلَــطْ

ولا يشُـوفَكْ خَـارجْ عَ الخَـطّْ

في يُــومٔ المَلْــڨَى

يتْـسَـيّـبْ عَـقْـلـي اِلْ تِـرْبَــطّْ

وتسِيـلْ دُمُــوعِـي

دَمـع العَــاشِـڨ مَـالـِـح شَــطّْ

ودڨَّــات ڨْـلِـيبِـي

تـڨُـول حَـوافِـر خِـيـلْ تُـنُــطّْ

نُـحْـضّـنْ وانْـعَـنِّــڨْ

مُـرجَــانْ الشّــرْكَـة تِـفْـــرَطّْ

ننسى اللّي يصير

أغْـلاطـكْ نلقاها في بِيـرْ

نردمْ زلّاتِكْ..

نعوّضلكْ كلّ اللّي فاتِكْ

وتعيشْ حياتِكْ ..

دافي في حُضني وَمْبَاتِكْ

مخدّة وسريرْ..

وفراشك كافي ووثيرْ

ويشفعلكْْ قلبي الكبيرْ

في ثنيتك

فِي ثْنِيتَكْ ما لْـڨِيتٍشْ حِيـنْ 

بِـلادْ ڨَـوَازيـنْ .. 

وكَرْطُـوشْ وبرْشَـا امْڨَـارينْ*

----

كرْطُـوشْ وبَرْشا فرْسـانْ

وجِيشْ وقُبْـطـانْ..

وجْبالْ وخنْڨَـة وْوِديَـانْ

الذّيبْ الوَطّـانْ..

امْكشِّـرْ ع انْيَـابُو جِيعَـانْ

وغَابـة فِرنَـانْ..

لا فيها مَسْكَنْ لا خَــانْ

جحُـور الضّربَـانْ..

يغطّيها حجَـر الـصّـوّان

وطَرْفَـة ومِثْنَـانٔ..

تِكَذّبْ إلّي راتُـو الـعِـينْ

لا صَـدْرْ احْنِيـنْ..

غِيـر رْجُـولَة وتسَلٔـطيـنٔ

كَـرْطُـوشْ مْـغـمّـر بالـرًشّْ

وْرَجَّـالة تِـنِـشّْ ..

مْطَاليـڨْ ومَا فيهُمْ غُـشّْ

فِي بْـلاد عطَـشْ..

لا خـلُّـو مََـكْـرَكْ لا عُـشّْ

والذّيب ارْكِـشْ..

مَرعُوبْ تخَبّي فِ الڨـشّ

والضّبْـع تَـهَـشّ.. 

خايفْ يُزْدُم يِمْشِي إنْتِـشْ

نَصبُــوا الـعِشِـشّ..

دارُو سَهْرة بِلَاشّ غْـوَشْ

وِالْـعِطـر مْـرَشّْ..

لا جَاهُمْ غْريبْ ولا خَـشّ

تعَـشّـو وْ باتُـوا سهْـرانين

ومْعَـاهم غِـيـنْ..

تغْـلَى وْمَـا يِخَلّصهَـا ديـنْ

 (الحـلّاج الكـافي).

* مْڨارِينْ : بنادق.

في الكاف جنوبا

شكرا لامريكا الجنوبية 

شكرا البرازيل و لولا داسيلفا شكرا فينيزويلا مادورو كذلك شكرا جنوب افريقيا سيريل رامافوزا... 

ليبيرتا ..

رايْتُ ظِلّ زَاپـاتَـا ..

مسنودا بذراع مادورو 

في الكاف جنوبا

في حقل القمح..

على تلّة الزّعفران

يده اليُسرى تكمشُ أعشاب الفصل

واليُمنى تردم حُفرة دَمٍ...

رمادٌ غُبار جبينه 

ينظر في عينيّْ

ومبتسمًا يسألني:

لماذا خذل اللّه المظلومين

وأبَـاح عَـرق الفُقَـراء ؟

كان ناقُوس القلب يدقّ

ويهمـسُ في غَور الدّيـر 

أين فلسطين ؟

تختلط الصّور 

وتعود اسئلة الخُلوة

فأصيحُ لستُ "كارلوس"

انا من يكتبُ حين يضيق الوقتُ

وحين يصبح نهد الأرض عبُـوس

وحين يضجّ الخمر منَ الكاس

وصباحا يسيل كالعطر 

على فخذ ڥينوس

في السّرس شمَـالاً

سمعت ثغاء الحقّ

وجدّتي ديهية البربَـر

تقولُ حاربتُ جراد الصّحراء

ولمْ أُهْـزَمْ.. 

لا تعلن هزيمتك النّكراء

صار جبل ورغة سلّة أعشاش

ومكامن عصافير الحلم

تحسّستُ جنبي..

نحن أيضا ما حاربنا لِنُهـزم

يا شـارعا يُفْتحُ في الضفّة ليمـرّ لغـزّة

سأزيلُ رُكامَ الحُزنْ 

ليلتقـطَ طِفلً كُجّتَـهُ

ونداوي كدمات الخذروف

سندقّ رحيا خَرسَان البرج المقصوف

 ليصير دقيقَ خبز يوم حصار القطعـان..

تختلط الصّور تحت وميض القصف اللّيلي

"ماديرو" يقول: أثبُت ك"سيراس" في الأرض...

واحفظ رضّاعات الأطفال

فاليُتم تناسل..

"كُسيلة" يقول: لا تنسَ ثَـأركْ 

ومَعينَ الرّحلة..

وعليسة تعدني بجلد ثور وزيتونة

في الكاف هُنَـا .. 

تمتدّ شرايينُ القلب لتعديل السكّة

ويجاري السّفح موجات الرّوح

ودمعة خدّي..

بشراك انت بشراك يا سور الكاف

يا قلعتها الشمّاء

سنمدّ السكّة

وستمتدّ الى سور عـكّا..

الحلّاج الكافي..

ونادى تدير الكاف ...

 

 ما تقولشْ لَا..لَا..

إذا دارو المحفل بكْماله

وحضروا الحفّالة

ونادى دير الكاف تعالى

---

ما تقولش تَـاعـبْ

اذا حبيبك قالّك نَـا راغـبْ

تحضر وتحـاربْ ..

وم اللّمة ما تكونش هـاربْ

الصّـادق بأقْـوالة 

يعـدّل وتعديلُـو مُـنقالـة 

---

ما تقولش خلّي

توّ غدوة نرجــع ونـولّي 

وللكرُبَـة جـلّي 

ياللّي في المُـرّات تحَلّي

الدّمعة الهمّالة 

تخَلّي في العِينين اِسْمَـالهْ

---

ما تڨُـولش يكفي 

نَا غِيابي كحضوري يعفي

لو عرفو ولفي 

ما يكونو إلّا من صفّي 

ما نحبّْ كْفَـالة 

نا وحدي وِيبَة واعْدَالة 

ما تكونشْ بِـرّي 

وما تسمعـشْ كلام الـذِّرّي 

عندكْ ما تَورّي

وعندك ما اتْعلْم وِتْقـرّي

وما ثمّة بْـدالة

شاعر ما يقبلـشْ اُغْـلالة 

لا تكون اِعْـراضَة 

ولا تُطلب ديّة ولا عَـواضَة 

شعركْ باغراضه 

يفيّع مَـاه على البيّاضة 

سحابو يِتْعَالَى

تسمَـع رَعْـدُو في جمّـاله

الكـاف اللّي نادى ..

وڨـالّك احضر كيفْ العَـاده 

لا ثمّه ساده ..

صاروا عوّاضين أولاده

من السّرس أصالهْ..

وانت ما تكُونشْ مِنْ وَالـهْ

للكاف تعنَّى ..

وفي القصبة هيّا ڨَابلنا 

نطلّو ع الجنّة 

وحَـوّاء تفّـاح توكّلنا

واِللّي تحـلالهْ ..

يصبّْ  شرابو كالسّبَـاله  

(الحلّاج الكافي،) م.ق.  ..

ممحون...

مَـمْـحُـــونْ..

بِالشّــعر مَسْكُـــونْ ...

بالحُـبّ مجْنُـونْ ..

عِشڨِـي فُـنُـونْ ..

دافِـي سْخُـــــونْ

مْثِيلْ جَـمْـــــرْ 

في وسّـطْ كَانُـــــونْ

تڨُـول صِيفْ رَامِي غْـطَـايَـا

 نِمْـلكْْ.. نْصُــــــونْ..

ونَـرفعّ السّيفْ مسْنُــونْ

وفي الحُكْــمْ،

ولّيـتْ  هَـــــــــارونْ

ڨَـصْــري عَالي الـسّـرايَـا

اللِّي عشڨتـهََـا ..

 ما تڨْــدرْ تخُـــونْ

شهْلَـة عُيُـــــــــــــون

والفُـمّ كمَـا تِبْـر مَتقُـونْ

كالنّــور صَافي اِمْــرايَــا 

صبَّـاحة اللّيلْ ڨَـرعُـونْ..*

والسّـرّ ع الـسّـرّ كَـمُّـونْ

صَبّـاحَـة صُبْـحَـهَـا مـعَـايَــا 

في العَـرضْ مَا كانِت تهُــونْ .. 

لو جابُـوا  مالْ قَـارونْ

وِمْعاهُـمْ أغْلَى  الـهَـدَايَـا

ْنسْفَـرْ في بحْـرْ مَسْكُـونْ 

 بقُرصَـانْ بالڨَـتـلْ مَكْنُـونْْ 

في المُـوجْ كاسِــرْ نِـهَـايَـا

 نشُڨُّـو كما رصَاصْ مََڨْـرُوْنْ*

لَا كَـتبْ.. لَا  أُذُونْ

الصْـيّـاد يعـرفْ رِمَـايَـا

وفي بَحْرِكْ تسَمّيتْ "حَنُّـونْ"*

عَـوّامْ في الأصل نَا نكُـونْ

وْبِـالْـغَـزْلْ ناسِـجْ غِـنَـايَـا ...

اللّى سَمَعـني ڨـال مَلْحُـونْ

وْكَـتّـاب بالحَـرف مَرقُـونْ

وِحبَـــارُو دَمْـع الصّــبَـايّـا..

ولّيـت عُصفُـور حَسُّـونْ

مَـاني حـزُونْ

شَـادِي منَـوَّر سْـمَـايَـا

نَـا غِرسْت في الأرضْ زِيتُـونْ

بِجْنَـبْ لِـعيُـونْ

وبْنِيت بَـرشـة حـنَـايَـا

ودفعت في المَـهْـر مَلْـيُـونْ 

وحلِيّْ بِالسّتـر مَخْـزُونْ

حَتّى نِـلْـت الـرَّضَـايَـا

ڨُـولِي على سِمْحَة اللّـونْ

ترى زندها وسط عبّـون

أمّ الطٌـرافْ الـطّـرَايَـا

من غَــار لا يِبَـاتْ في شُـونْ

ولا يفهم في السّعر موزونْ

ولا يعّــرفْ سِــرّْ الـغَـوَايَــا

تڨول صيف رامي غطايا...

---------

* ڨَـرعُونْ : في الاحمر كشقائق النّعمـان

* مقْرونْ: بندقيّة ذات طلقتين ناريتين او أكثر.

* حنّون :  Hannon بحّار مشهور وملك قرطاجي وقائد عسكري  ومستكشف بِحار ...

الحلاّج الكافي ..

وانت تُؤمّنُ صدر  القصيدة 

وتعلن أن عجزها ليس ملاذا أخيرا..

لتجعل ديوانك سقفا للأملْ،

أو حبـل النّجـاةْ..

سيتتركك الشّعر وحيدا 

يتيم الدّفء  والنّزواتْ.

وتعوي الحروف لتعلن أنّ مزاجك الشّاعري

تحجّر كاُحففففففـورة 

....أو هيكل عظمي للديناصور

وانت تحيط بشامتها عسكرا من غزل

...إعلم انّ الرّياح إذا عصفت 

ستتلف أشرعة السّفن 

وتطير باوراقك في السّماء ..

لتصبح مجرّات عشق

وتخلف بعض النجوم

 ....إذا

غازل الرّيح وما يحمل من عطرها 

علّها تحميك من كسل الكلماتْ.

الحلّاج الكافي.

خلّد شهيدك ...

 خلّدْ شهيدكَ..

كي يمُـوت عدوّكَ كمدا تحت الغُبـارِ..

وزغردي يا منْ رأتْ قوافل الشّهـداء 

حُمـرٌا ..

وبيضٌـا..

وعاليـات كالمنـارِ..

لا تمتدحْ غير الحياة في الشّهادة والايثارِ ..

قبّلْ جبين شهيدك وابتسم في نعشه

كيْ لا يراك الحاقدون الشّامتون الواجمون من الصّغارٍ..

يامن مشى في نعشه يوم الفجيعة باصطبارِ..

أنتَ الشّموخ ..والنّجمة الحمراء والمشاعل والبذار..

اِلقِ على قبر الشّهيد وردةً..

واصلْ طريقك .. واشحذْ ثباتك حتّى وإنْ طال المسارُ..

وكي تُـؤَنّـقَ حُزنك .. ابتسمْ، 

كُنْ أخضـرا كالـنّعنَـع ..

أرسمْ خطـوطك في اليسـارِ.

هذي الدّمـاء دمـاؤنا ..

ما الخطبُ إنْ سقَتِ التّرابَ

فصار دافئـا كالبُخـار !!

نحنُ التّـراب والزّياتيـن وحبّـة القمـح 

وأصفـر اللّيمـون ..

ولـون البرتقـال والخُضَارِ.. 

إن كان جُرح الحـزن أتلـفَ لوْننَـا ..

فغـدا نعـودُ بحُمرة العنّاب..

 او في كساء الجلّنـارِ

امدحْ شهيدك ليقول العارفون بأنّه صار مسيح العصر، 

وأنّنا صرنا الحـواري..

فلنستبـقٰ وقـع الفجيعة على تراب قلوبنا

لا حـزن يعلُـو فوقنـا..

أيّهـا الجَمـع الغَفيـر..

لسنـا الرّمـاد..

نحنُ المشاعِـل في العواصف

 والجِمـار..

______________________

المهدي/الحلّاج الكافي..

حبلي رشا...

 حَبْـلي رٓشٓـى ومَـا عـاد فِـيَّـا مَنْـفَـعْ..

وكُـثر الـرّشى يِخَلّي الحَبـلْ يِتْڨطّعْ

ومِنْ كانْ عايشْ فِي الغديـر وَرَاوي..

يُصعُبْ عليه يَرضَى العَطشْ فِالمَنبَعْ

ومِنْ كان شَـاربٰ منْ عُـيُـونٰ حُـلُـوّة

يَمـْرَارْ مَـاهَـا في النّـدَمْ والـمَـرْجَـعْ

والـسّـاڨِيـة إذا جَـفّْ مِـنْـها مَـاهَـا

مَـا عَـاد مَـا احْـوَاضَهـا مَـا يِشَـبِّــعْ

عِزّ السّــواني في صيفها وشتـاها

سُــونَـايْ يخـدم والجَـوابـي تَـنَـبَّـعٰ

وإذا غــابْ مُولَى السّانية وراعيها

تَوَلِّي جِنـانْ الخِير مَـنْـبت خِـرْوَعْ

ومن كانْ أصلُو كِحمَـاضَة سـبخـة

إذا كُثُرٰ مالـو يصير قاضي ويشفَـعْ

وياما خسيس الطّبع صار مْحَكّم

وْعلّى الوضيـع وڨـال هذا يطلَع

وياما نْبيل رَفضْ حتّى الشَكْـوى  

منْ كَفّْ إيدُو يشمّ حتَى يَشبْع

الحلّاج الكافي.

سايس ع ڨلبي

 

جَايِرْ حُبّكْ فَاتْ حدُودَهْ..يا سِمْحَة لَوْصَافْ غْـزالْ متَعّبْنِي بِشْرُودَهْ ..سَـاكِنْ بَـرّْ الكَـافْ يِعَانِد ومْكَثٌر في عنُـودَهْ..لا يحَكّـر لا يَرَافْ لَحظِكْ كِالْحَربة المَغْمُودَهْ.. بِالشْفْرَة نَسٌَـافْ تعّبني ڨرعُونْ خْدودهْ.. وْنَـا ڨلبي شفّاف .......

سايس ع ڨلبي ..

بالله سايس ع ڨلبي

سَايسْ عَ قلبي.. نَا قلبي فخّار الطّينة

سايح بيه شقف سفينة لا يحمل غلّْ ولا ضغينة ولا يعرف يجحد لا يخبّي..

بالله سايسْ ع قلبي.

سايس ع ڨلبي

نا ڨلبي ملفوف حرير

أخضر مثل أعشاب غدير

وين تروحي يحبّ يطيرْ

ويضحك ما يعرفش الكُبّي

بالله سايس ع قلبي ..

سَـايـسْ عَ ڨلـبـي ..

بالله سَايسْ عَ ڨلبي.

نا ڨلبي حُوضْ النّعناعْ

وينْ تغرِسْ ديمَا نفّاعْ

صافي كبيرْ وْمالُو رْدَاعْ

فرّغْـتُو وَصْبَحْ مَعَـبِّي..

بالله سايسْ عَ ڨلبي..

سايس ع ڨلبي..

نَـا قلبي مَرْكبْ في المـينة

شـابِكْ في المرساة رهـينة

لا فرح لا دار الزّينَة

يسْرحْ وقت إلْ إنت تحـبّي

باللّه سايـسْ ع قلـبـي.

سايس ع ڨلبي

نا ڨلبي مراية وبلاّرة

سرّو ديمة هوّ جْهَاره

هامل ما يعرفش دبارة

والحبّ يجرجر ويدربي

بالله سايس ع ڨلبي..

سايس ع ڨلبي

ننَا ڨلبي تايه في غَيّة

كلما ما عشق يڨول شويّة

يمشى كما تڨولي بالنّية

طايـع وع دينك متربّي

الله سايس ع ڨلبي.

Partagé ave

سَـايسْ ع قَـلبي..

أنا قلبي جنينة ونوٌارْ

خفٌة وفيَــانة وضمارْ

زارع فيه الوردْ العربي

باللٌه ..سايـسْ ع قلبي.

______________

المهدي/الحلٌاج الكافي