نَـا نغنّي وصوتي مطاوعني..كلامي مطبوعات علامهْ
واللّي صَمِّـتْ وذنُو سمعْـني..انْفَـهِّـمْ أكثـر مِ الفَهّـــامهْ
وانتي ياللّي سكِتّي يَعنِي.. زعمَا فوڨْ الرّاسْ حَمَامهْ
لا نَفْعِكْ شِعري،لا نَفَعْنِي..نَـا نُشكُـر، وانتِي ذمّامَـة
هَانِي امْشِيتْ ولا اتّبَعني.. عدّي عُمركْ كُدْس نْدَامَة
واش ثمّة باهي يرجّعني ..
ما تقـولشْ لَا..لَا..
ما تڨـولش لَا ..لَا..
إذا دارو المحفل بكْماله
وحضروا الحفّالة
ونادى ديــر الكاف تعالى
---
ما تقولش تَـاعـبْ
اذا حبيبك قالّك نَـا راغـبْ
تحضر وتحـاربْ ..
وم اللّمة ما تكونش هـاربْ
الصّـادق بأقْـوالة
يعـدّل وتعديلُـو مُـنقالـة
ونادى ديــر الكاف تعالى
---
ما تقولش خلّي
تَـوّ غُدوة نرجــع ونـولّي
وللكـرُبَـة جـلّي
ياللّي في المُـرّات تحلّي
الدّمعة الهمّالة
تخلّي في العينين اِسْمَالهْ
ونادى ديــر الكاف تعالى
---
ما تقولش يكفي
نَا غِيابي كحضوري يعفي
لو عرفو ولفي
ما يكٌـونوا إلّا من صفّي
ما نحِـبّْ كْفالة
نا وحدي وِيبَـة واعْـدَالة
ونادى ديــر الكاف تعالى
ما تكونش بِرّي
وما تسمعشْ كلام الذِّرّي
عندكْ ما تَورّي
وعندك ما اتْعلْم وِتْقرّي
وما ثمّة بدالة
شاعر ما يقبلشْ اٌغْـلالة
ونادى ديــر الكاف تعالى
لا تكون اِعـرَاضَة
ولا تطلبْ ديّة ولا عَواضَة
شِعركْ باغراضه
يفيّع ماه على البيّاضة
سحابُـو يِتْعَـالَى
تسمع رعـدو في جَمّـاله
ونادى ديــر الكاف تعـالى
الكـاف اللّي نَـادى ..
وقالّك احضـر كيفْ العـاده
لا ثمّـه سَـاده ..
صَـاروا عوّاضيـنْ أولاده
من السّـرس أصَالهْ..
وانت ما تكُـونشْ مِنْ وَالـهْ
ونادى ديــر الكاف تعالى
للكاف تعنّى ..
وفي القصبة هيّا قابلنا
نطلّو ع الجنّة
وحوّاء تفّاح توكّلنا
واِللّي تحلالهْ ..
يصبّْ شرابٌـو كالسّباله
ونادى ديــر الكاف تعالى
(الحلّاج الكافي)
تسألني ..
كم يلزم من وخز الوشم البربري ؟
أجيبُ ..
لكِ ما كفى ِِ ..
وكمْ يجبُ من الوجع ..
لأدفع إيجارك والامتثال ..
كم يحب من مطار ليحلّق جناحي
كسحابة تشقّ سماء البلاد
و تمطر في " مالطا" ؟
أجيب ..
كما الجزر الصخريّة في بحر دمي ..
لها فيضان الوجيعة
من يحمل ألم الوخز ..
إلّاك .. أنت ..
يــا مأوى الوخر الإبريّ بـواحة قلبي ..
--------------------------------------------------
الحلّاج الكافي ..
إذا غِـبْنْا راوْ ثـمّة سـبـَبْ
الغايبْ ديما عُـذرُو معَـاهْ
شِغلتـنا مشاغل و عطبْ
الوقت الخايب ياما أقْساهْ
كبّسْ ع الشّاعر و صُعُبْ
حتّى القُـولْ السّمح نسـاهْ
و غيــابي ما فيه عَجـبْ
البـرّْ الخالي نَـا مُـــــولاه
زيّـنْ و إلبسْ كيـما تحـبّْ
و حـرقوسك، لا ما تنْساهْ
----------
المهدي/ الحلّاج الكافي
14 سبتمبر 2020
الى رئيس الجمهوريّة تحـديدا :
حسّيتـكْ بايتْ تٍتْقـلّى .. ودايِـخْ بالرّعشَـة مَرْجُــوفْ
صعُـبْ عليك الأمـر بِكُلّه ..من العيّـاري للمخلُـوفْ
من النّهضة ركبتنا العِلّهْ.. وأنتَ باقي هَـاكْ تشُوفْ
أما خافْ وانسَى الطـلّهْ .وإلّا طُُـلْ وانسَى الخُـوفْ
الحلّاج الكـافي.
ويقول الشاعر محمّد مامي Mohamed Mami في السّياق:
و من زكّى زاد صام و صلّى * في مكّة لازم يطوف//
و اللّي حفظ دروسو بالملّة * يتعلّم يكتب الحروف //
ما تكونش كِ نار الجّلَّة * تطْفى و ما تجمّر مسفوف //
ماهياش لعبة كرة السلّة* و لا هي لعبة الخــذروف //
و الهندي سلطان الغلّة * يبري من جرْيان الجّـــوف//
و كان باقي ناوي تتسلّى * تخاف يولّي مُولُوتُــوف //
النّاس هاذم لا يخافوا اللّه * و ينسوا الأمر بالمعْرُوف//
و نوحل كالمنجل في القُلّة * فحجة و نطيح في الهفهُــوف..
وتقول الشاعرة زهرة الحواشي Zohra Zhayra Hawachi في هذا الصدد:
تْحسُّو مْخَرتلْ موشْ متأكِّدْ
يُوقفْ و ِالاّ يتَّكَّا
وِ يباتْ يْبَزّعْ و ِيلَقِّطْ
زعْمة هكَّا وِ الا َّهـكَّا
خُوفي يَطْلعْ عنْدو الزّهايْمرْ
والقصَر يشْوفُو بِيتْ مكَّـة !
تونس...
كِيفاـشْ تحبّـوها عَـروسـهْ ؟
و هي جيعانة و مبْخُـوسـهْ
حزينة و يْـتيمة و مُـهَـــانهْ
و تَاكـلْ من بَايْ القـطـوسـهْ
كيفاشْ تَــــــولّي مزْيانــــة
و حاكمها ولــدْ المتْعـوسَـه
سَـيّبْ عـليهَـــا الخــوَّانــهْ
خَــلُّــو رايتْهَـا منْـكــوسـة
و تلَـمّـو بيهَـا الكـمْبـــــانَـه
و باعُوهَا بيعَـة منْحُـــوسة
نَـاري على تونس عِـريانَـهْ
تبْـكي و رقبتـها معْـفُـوسَـهْ
----------------
كيفاشْ تحبّوها خَضرَهْ .. ولا رينا سحابْ ولا مَطرَهْ
السّوس اللّي جانا منْ برّهْ.. قصّ الغُصنْ، نخرّْ الجِدرَهْ
نهارْ اِلْ دخلوها عرّوها .. لا عاد ورقْ ولا ثمرَهْ
سلبوها أولاد الحفيانة ... نهبُو المالْ وحرقُو الصُرَّهْ
ناري على تونس مرهونة.. وحاكمها جيعان بشَرَّهْ
لا مَنْعِتْ شجرة ولا حَجْرهْ .. واخْبَرنا شايِدْ في النّشرَهْ
صبحتْ رايتنا منكوسهْ .. جاع الشّعب وزادو الحُقره
ثورو يا أولاد المغبونة .. راهُمْ حَفْرُو لينا حُفرَهْ
لا ثمّة جنازة لا دفينة .. كما "هِتلر"، يردُّونا غَبْرَهْ
كيفاشّ تحبُّـوها احْصيدة.. ومَـاكينة تحْصـدْ واِتـدُّورْ
وڨَـمحَ امْسَتّـفْ للتّـاڨِيـدة..وزايـدْ ما خَـزَنْ المَـطْمُورْ
وهُوما دارُوا لينا امْكـيدَهْ.. وعشـرة سنينْ يقولو بُـورْ
لا رينَـا طعَـام ولا ثـريــدَهْ.. ولا مڨْـفُـول ولا بابـــــورْ
ولا اعْبيـدَة تشبه لِعْبـيدَهْ.. ولا وَرْغَــة فيها المَــبْـذُورْ
ضاعْ السِّـرَسْ فـڨِدنا سَمِيدَهْ..غَرَڨنا م المَرْجَى لِـزَنْفُورْ
ورِينَا اللّاسْ اِفْ حَالة اهْمِيدهْ..ولُرّبصْ مَنْهُوبْ ومحجُورْ
وسيدي مطير يحبّ ضميدة.. بَـايت يتنـهّـد مقهُـــــــورْ
وفي نبّر ما ذقنا عْصِيــدهْ .. ولا طـابتْ حَمْـيَة وجابـورْ
ويُصْعُبْ عَ الشّاعر تَغْريـدَهْ..الشّْكْوَى ما تَبْرِي المَكْسُورْ
عِـنْـدَمَــــــا نُـحِـبُّ...
ناري ع تونس دمعتها.. جرَت عل الخدّ وسبقتها
باعوها إمام ومفتي .. وفتوى ع المنبر سمعتها
وخرافة سمّوها خلافة..ولعقول الحُـرّة ربطتها
ودَعُُ
****
ملْ على الزّهرة لتراها
و شُمَّ شذاها
و مُصَّ من فمها
رحيق نداها ..
و بـَاركْ خطاها
و لا تُـفْشي سرّ عطرها
لـِـ....سواها
و ضِـــــعْ على صدرها "رَشْقَـــة"
بشكْل الفــراشة
و نَــاولني كأسا
على نخــــبها
فمن سَقاني، سقاها ..
*****
الحلاّج ...08 أيلول 2014
أموت هكذا بأعلى مكان ..
أُدْفنُ حذو قبر الغريب
اُّبْقي يدي خارج القبر
لأحمي شاهدي
و اّطْعِمُ هرّة تموء في ليل الشّتاء. ..
و اسقي عُشْبة "الستّ مريم"
متى حلّ موسم العطش ..
و أمسح دمْع بناتي إذا ما بكينَ
ولا ازعج راحة الطير صباحا..
و لا اترك ّظلّ الحكومة فوقي
و لا أدفع ضريبة للمماة ..
و أحفظ عقد الحبيبة ..
------------------------------_-----------------
الحلاّج ...(م.ق.)
وصيّة ..
-----------
إذا كُـنْتَ تُحِـبُّها حَـقََّـا ..
و حقّا تُحِـبُّكَ ..
إذا كانت وصيّتها
مقبرة أو حياة
إذا كانت لا تأبَهُ
بدغدغةٍ الأُمنياتْ..
إذا كان لابدّ لها من فناءٍ
إذا كانتْ عزَمتْ على رحيلٍ
والأمرُ أمركْ..
جهّـزْ لها مَـوْتََا رحيـمََا ..
مَطِّـطْ ساعاتَ عُـمركْ..
لا تَـنمْ قَـبلها ..
لا تطفيء النّــور
لا تَمُتْ قبْلها بيـوْمٍ فقـط ..
هكـذا تَـطمَئِـنُّ الصّــدورْ ..
----------
الحــلّاج الكافي / المهدي
.(سبتمير / أيلول 2016)
بَـيَـــــاضُُ
****
أنا أبيض كثلج ينايرْ
كحَـرْجِ السّتـائرْ
كَـفستان عُرسك ْ
كـقُطنِ على كفِّ مُحَـنَّى
كنرجس جــنّـهْ ..
كستْـر وسادهْ...
كمَـزّة ثـدي بـعد الولادة
كسحابة صيف
كهذا الشّال على كتفيكْ
كملح الطّعام
كسُكّّر قهْـوة
كـلذّة قُـبلة ...
كالياسمينْ ...
كمشدّ الضفائرْ
كثَـلج ينايـرْ ...
*********
الحــــــــــــــــلاّج الكافي
2014 تونس
1
(1)
في ذاك " البار" شربتُ
في" بار " مليء بالجُُلاّسْ
من سنة، فقدت جليسي ..
و اصفرّ الكرسيّ بغيبته
و تجرّدت الطّاولة من اللذّة
و فيه، تنادمني الغربة ...
في " البار" شربت على نخبي
و كسرت الكاسْ
أمام وحدتي والجُـلاّسْ ..
(2)
في ذاك " البار" شربتُ
جرعات الخمر أسداسْ
و الهرّة بالقرب تموء
ليس للهرّة نهدين...
تجوع الهرّّة بين النّاسْ
قلت :
تعاليْ العقي من خمري
اللّيلة أنت نديمي
في "بار" الغجر و النّدمانْ
سيّدتي لا أملك بحرا
و لأجلك أصير قرصانْ
(3)
ساخاتل كلّ الحرّاسْ
و أسرق سمكا
من الانجاسْ
.....
الحلاّج الكافي.
وطــــــــنُُ أرْمـــــــــلُُ
أو... يَــِتــيــمُُ ..
باردٌ.. متعبٌ
حاكم كالجذام
مقرف كبعض الحرام
نـــــــاري ..
طــــال حــصــاري ..
يــــا نــــــاري ..
--------
الحلاّح الكافي م.ق.
