علّمني حبّك حاحات

علّمني حُبّـكْ حاجَاتْ

  .. خُوفْ وفَجْعاتْ

وبعّدْني على برْشــا بَنَاتْ

 

بعّـدني عليهمْ .. 

بناتْ اللّي كانُـو يحبّوني

ينادوني انْجيهمْ 

نمشي ع رموشي وعيوني

ذراعي يَحْذيهمْ

ما نعملْـشْ معاهم دُوني

يقولو يا خالي

 بعدكْ ما ثمّاش غَوَالي

ولا طير الجالي 

يطير يحوّمْ فوق العالي

ترضانا خوالي ؟

صحراء ما فيهاش دوالي

ولا فيها انْباتْ

ولا فيها عشقْ ولذّاتْ..

علمّني حبّك حاجـاتْ

خُـوفْ وفجعـاتْ ..

وبعِّدني على برْشَا بنَاتْ

علّمني   حبّك   حاجاتْ 

فجعة ولِيعاتْ..

وبعّدني  على برشا  بناتْ.

........

بعّــدني عليهم، بناتْ اللّي كانو يحبّـــوني

ينادوني نجيهم، وحتّى اذا بردتْ يغطّوني

يقلُولي خالي،  ما عملناشْ  معاكْ  الدُّوني

هكّا تنسانا.. ؟

لا طلّه لا تباتْ حذانا

شغلاتك عنّا، طفلة مغيارة وخرنانا

ربّي يحاسبها.. سحّارة ولفعى وزّعبانا

وحرمتنا منّك، حتّى قالو عليكْ جفـانـــا

نسانا بالذّاتْ ..

نسانا اللّي ناسي الغنجَاتْ

عينُو ما راتْ ..

غفارنالو مٌولى الزلّاتْ

...

علّمني حبّك حاجاتْ..