قال صديقي Kamel مازحا :ظننتك نسيت سعاد فنمتَ..؟ فقلتُ:
هَــرب النّوم .. عڨَابْ اللّيلْ
و شيـطانْ الشّعر تعَـنّـــالي
و يا كـمال الليلْ طــــويلْ
علْلِّي حالُـو يشْبهْ حــــالي
ساعة يمرّ خيـالْ جميــلْ
سهْـرة و غنَّـايْ و خـيّـالي*
و سعاد إلْ تَاهِـتْ في الْجيـلْ
تڨُول يُحْرمْ نومي بلا خالي
وْسَـاعة يمرّ غْمَـامْ ثـڨِيــلْ
يِـزيـد نْكَـدْ على مــــــوّالي
و يولّلي فِ كْلامي تأويــــلْ
و يتبعـثر نَظْمي و أقـوالي
و ينْشِـفْ مِنِّـي نَـبعْ السّيــلْ
و يتعَـكّـرْْ ميـزانْ أعْـدَالي
و ساعة نولّي صِيدْ هْـذِيـلْ*
و فِ جبلْ خْمِير نْبَات سَالي
لا يـرْدعْني فارسْ خيــــلْ
و لا تُنْـكُـرْ سُـعَـاد هْـبَـــالِي
-----------------------------
* خيّالي : راكب الخيل و الفارس
*صيدْ هذيل: أسد هذيل و هذيل منطقة غابات
المهدي/ الحلّاج الكافي
ليست هناك تعليقات:
إرسال تعليق