ثلاثتنا لا نصلح للحبّ ..
أنت ...
باردة القلب ..
التّي لا تغامرْ
و لا تفهم في اللّون
عدا طلاء الأظافرْ..
و أنا الذي هـدّهُ سور النّساء
مُنْتهِيَ الصّلاحيات
واقف على شبّاك خيبة
لا أمرأةََ تؤشّرني
كجواز المسافر ..
و هذا القطار
الذي يأتي في غير موعده
عند كلّ المعابرْ ..
ثلاثتنا لا تصلح للحبّ
يا أيّها الحبُّ ..
اِمْضِ و غادرْ ..
----------------------------------
الحلاّج الكافي -(المهدي ق.)
الصّورة: محطّة قطار بمدينة السّرس موطني الاوّل و بعدستي .
.
فِيهْ نَــاسْ...
فِيهْ ناسْ فِ غيَابهم بقيتْ نعَـاني.. وفيه نـاسْ كحُضُـورُهُمْ كِ بْـلاشْ
وفيه ناسْ تضـوّي على البـرّاني. .. وبين أهْلهمْ ما تـرَى كـانْ طـشَـاشْ
وفيهْ من تراهْ تڨُـول ثُور اسباني .. هايـجْ ومايـجْ بكْراسعـُــــو نَبّـــاشْ
وفيهْ منْ تراهْ بطبيعتُـو حَلواني .. مِنْ عـشّ الحبّ يبني برْشَا اعْشَـاشْ
وفيه ناسْ..وفيه ناسْ..
وفيه ناس كٍ يحضروا لِتَوِيزَة .. ما تشُوفْ كانْ الصُّـوف والڨَـردَاشْ
يديـرُوا الفَـرح ولوْ بالخُـبّيـزة .. وحـتّى الـتّـراب يبَـانْ عِــزّ فْــراش
وفيه ناس إذا حضروا يديروا غْمِيـزَة.. تَعطِيهْ جَفْنَة يڨُـولْ بِِـتّ بَـلاشْ
لا ڨَلب بَـاهي لا نُـفُـوس عَـزيـزة .. تَـرى وجْـهُـهُـم تـڨُـول بُـوكَشّـاشْ
وفيهْ ناسْ ..وفيه ناسْ..
----------------
الحلاّج الكافي / م.ق.
جوان 2019
مْـنَـامَـة....
****
ڨَــامْ الـوَلَـد فرحَــانْ.
شَافْ اللّي شافُـو منْ زْمَـانْ زْمـانْ
تذكّـر قصـايد حُـبّ...
تفَكّـر كْـلامْ تڨـال مِ الوِجْــدانْ
تلَمّـس سْريـرُو الدّافـي
وحضرت صُــوَر العـاشِق الولْهَـانْ
إمْمْـمْـمْـمْـمْ....
مَـا أحـلَاهْ هَـا الرّيحَـانْ ....
وورد مْفـتّـح في جْنينَـة كْبيـرَة
وكـلّ الـبنَـات ألْـوانْ ..
على صدُورهُم تِـفّـاح نَسْـلْ "سَبِيبة"..
والـعِـڨْـد مِنْ مُـرجَـانْ..
شَــافْ العُـيُـون امْلِـيـحَـة
وشـافْ الخُـدُود في حُـمْـرة الـرُّمَّـانْ
واڨْـدامْ دَڨّــتْ دَڨّْ ..
وخُطـواتهُمْ تَعـديـلْ للمِيـزانْ
ما درَاشْ يِحلِمْ فِ احـلام لْـذيـذَة
وإلٍا رَجَـع لـدارهُم سُـكْـرانْ..
نحّى الضّميـدَة والضّمايِـد تُوجِـع
يلْڨَـاهْ جرحُـو مَـا بـراشْ وبَــانْ
كَفْكَـفْ دُمُـوع ع الخـدّ..
وِنْـزَعْ ثُـوبْ الحُـزنْ كالـثّـعـبـانْ
"يمّـه صبَـاح الخير"
طَلّـةْ وفَـاءْ وسْمَـاحْ
يَـاااا سَـلّـة التُـفَّـاحْ..
لا تَسْـألي اَشْ صَـار ..!
بَدّلْت شُـوكْ العِشـڨْ بالمِثْنَـانْ
وصَـار الحُـزُنُ منْ سَاحتي هَـرْبَـانْ...
لا تسْـألي آشْ كَــانْ..
لا تسْـألي آشْ اِللّي صَارْ وْكَـانْ....
(الحلّاج الكافي..)
شَدِّيت عَ الجُرْح حَتّى بَـرَى
بِـلَاشِي دَوَاءْ..
ولَا حكِيتْ للنّـاسْ عَ الّي جَـرَى
شدّيت عَ الْجُرح حتّى تعَافَى
والـدّمّْ صَـافَى..
وعَـاودت ضمَايِدي عَ النّظافَه
شدّيت عَ الجِرْح حتّى اهْفَـتْ
وْلَا ڨُلْـت مُـتّْ...
ولا افْتَحت بَـابْ.. للٌي شْمِـتْ
شدّيت عَ الجُـرح حتّى شَـاحْ
وِالْخَايِبْ اسْمَـاح..
وْلَا سْـمَـع الـعُـدُوّ مِنّي نْـوَاحْ
شَـدٌيـت عَ الْـجُــرح حَـتّى نَـزّْ
وْبِـالـدًمّْ دَزّْ..
وْمَارضِيتْ دَوَايَا مِ أهْـلْ الْخَـوََزّْ
شدّيـت ع الجُـرح حتّى تُـوَڨّـر
وْبَـعْـد اتـفَـزّر ..
وتسْتَـر عِيبِـي وما عَـاد يظْـهَـر
شَدّيت عَ الجُـرح بْـلَاشْ عِيَـاطْ
وْبِـابْـرة اتخَـاطْ؟
وفُـوڨْ الخِـياطَـة زِدتْ الـرّبَـاطْ
شَـدّيت عَ الجُـرح وْمَا ڨُلْت شَـيْ
وِكْوِيـت كَــيْ ..
واصبَـرت صَبْـرْ أيّــوبْ الـنّـبِـيْ
شَدّيـت عَ الْـجُـرح حتّى تَـلَـمّْ
وِشْـفَـاهْ تَـمْ ..
وْمَـا سْـمَـع حَـدّْ مِنّـي اِعــدَمْ
شدّيـت عَ الجُـرح حتّى نْسيتْ
كِيفْ بْرِيـتْ ..؟
وْلَا قُلْت للنّـاسْ رانِي عيِيتْ
(الحلاج الكافي.. )
قـتلـني دواهُـمْ..
وانتي بعيدة عليّ،مُـوشْ معاهـمْ
ما ريتْ دفايا في أحضـانك يـمّهْ
ولا ريتْ ضحكة إخوتي وبهَاهُـمْ
إذا دلّسُـو التحقيق في لجنتهـمْ
يُـوم الحساب نتقَـابلـو وإيّـاهمْ
هَكّة رُمُـونَـا ..
طلع نعشنا ملفُوفْ في كردُونَة
لا توجّعوا لا تخَجّلُوا لا نِدمُوا
رغْـم بَـكَـانـا قبـل مَـا يسقـونَـا
ردموا الحقيقة كاملة وتعَـدُّوا
ولمُّوا الحكاية باردة وسخُونَة
قالوا مقـدّر..
نمُـوتُو قبل تسجيلنا فِي الدّفتر
ولا نعرفو المضمون لا الرضّاعة
ولا لسالنا يذوق الحليب والسكّر
وتكتب علينا الصحف والإذاعة
لا حَدّ باقي في الحيَاهْ ويعَـمّـر
الحلّاج الكافي
صَـــرّفْ
فـعْـلَ
العِشْــقِ
لــيْــلاََ ..
ستجـدُ ضمائـــره شـتّى
أو فارغ جَـوْف ومُخيـفْ
وتجده عَـصيّا على الصّرف
ومَـكْـسُـور أداة التـجـذيف
وستعرفُ بعد عـناء الحـبّ
من منَـعَ عَـنه التَّـصــريفْ
اِلْــقِِ بالقٓـاف إذا شئت
تجِد "عُشّ" الدّفء خفيفْ
اعربْ
فعل
العِشقِ
صُبحا
بعد الفجر زده ردْحَا
زده عسلًا، زده خمرا
زده كأسا، زده قدْحَا
ما
أدراك
بعد
اللّيل
تهجوهُ .. وتزيدُكَ مدْحَا
تشربُكَ .. كقنينة خمرٍ
وتُبدّل منْ خسِرَ ربحا
----------------------------------------
الحلّاج الكافي / المهدي .
إذا زارنِـي المُــوتْ.. آشْ تِـدِيـري ..؟
وإنت إلْلي كنتٍ دافية فِ سريري
وانتِ اللّي كنتٍ مِـن البِعَـاد تِتٰكَـدٌرْ
وكٍ- تشـوفني بين البنـاتْ تِغِـيـري ..
إذا زارني الموتْ ..ٱشْ الْ يَـجْـرى
وانتِ اللّي كنتِ في جناني زَهره
وانت اللّي كنتِ كاسِية وما تَـعْـرَى
وانتٍ اللّي كنتِ تامـري وتْـشِيـري
(وكِ تشوفني وسط البناتْ تِغِيري)
إذا زارنــي المُــوتْ..آشْ تسَــاوي
وإنتِ اللّي ذڨْتي من اِيديّا شهَـاوي
وإنتِ اللّي ڨُلـتِ فِ الغياب نِـلَاوي
ويُحـرُمْ كُـحْلِي وحِـنّتي يا عْشيري
(ولا يذوڨْ غيركّ نِعْمِتِي وخْمِيـري)
إذا زارنـي الـمُـوتْ ..وَقتْ السٌاعَهْ
وقاضي الفَنَاءْ لا حَدّْ يلْوِي ذِراعَـهْ
وانتِ ڨُـلتِ صْعِـيبْ خَالِي اوْدَاعَهْ
وطريق الحزنْ ماهوش هوّ مسيري
(ويا موتْ ابعد على حبيبي وسِيري)
إذا زَارِنِـي المُـوتْ .. ومَــالُـو صَــدٌْ
والـمُـوت يِــزُور الـكُـلّ ... وَلَا بُـــدّ
يَـا هَـل تَـرى يَـبْـقَـى رْبَــاط الــوِدّْ
وإلّا يْجِيـكْ الشّـكّْ حَـتّى تـحِيـرِي
(وتڨُولي حُكُم المُوت .. فِي تَقدِيري)
_____
الحلّاج الكافي( م.ڨ.)
يُـصعب عليه يعود لأرض انْفاتو
وصدّتْ عَـليه البابْ حتّى اذْعِـن
ويَـا فـاطمة نَـا غُـربتي دفْـنـتـني
وما عرفت منهُـو حفَـر وإلّا دِفِـن
ويا فَـاطمة يهْـديـك لا تـلحَـقْــني
إنتِي طــريّة وما تِطيـــڨي ارْزَنْ
وِانتي الطِّيبَة بضحكتكْ ودموعك
وْنـايَـا الصّـافي وْمَـا نْطيـڨْ خَـوَنْ
لا تأخذها على تعب ..
لا تثقلها نوما
خُذْها كفُتَات طّعم السّمك الى غرفة قلبك
ستداعبها حيتان الرّوح
ستستيقظ باكية كرضيع
عندها ...َ
طهّـر قُماط رغبتكَ...
وانشره على حبلِ الشّرفة
وألعب لُعبتك في الدّسِم
ورشّح رغبتك بالعسل
اتركْ نافذة مفتوحة..
ستقتات الجارة من عطر الغزل ..
آآآه تلك الجارة !!!
جارة أمْ ثعلب؟
ستناديكَ لمركبها مساءً
وصباحا تنساكَ وتهرب ...
آآآه ..تلك الجارة
جارة ..أم افعَى ؟
ستدعوك صباحا لوليمة شهوة
ومساءً تنساك وتسهى ...
(الحلّاج الكافي)
منْ قالك نَـار المحبّة تطْـفَى .. ومنْ قَالكْ ننساك يُـوم وْنَشْفَى
ومن قالك بعدك تهنّى نُومي.. ومن قالك عينْ البكاء تَـوّْ تَغفَى
منْ قالك كاسْ الشّراب جْفاني.. نَـا سَهْرِتِي معَاهْ رَشْفة برشفَـا
ومن قالك نا تبت يا نسّاية .. تاب الرّزام وما تابت حَلفا
ومن قالك نا خلفت في مواعيدي ..نا وِلْد للميعاد موشْ للصّدفا
الحلّاج الكافي..
* الصّورة: جبل معيزة/ السّرس ولاية الكاف (26 جانفي 2025)
مَا دْرِيتْ خَدّكْ وَإلّا مِنِ الصُّورَهْ.. نَهْـر الغَـزَل إنْسَابٔ
تْعَمَّد كَلَامْ الشّعر وَسْطْ بْحُورَهْ.. حتّى نُضُجْ وْطَـابْ
نَبْعتْ حُروفْ النَّظْم كالنّافُورَهْ.. وصَار القَصيد أبوابْ
ولَفّيـتْ مَا تِكْتِبْ كالْـمستُـورهْ.. تَخَـمَّـر صْبَـح شْْرَابْ
وِلْكَاس عِنْدُو حِضْوُتُو وحْضُورَهْ..يـرُدّ الغَلَط صْوَابْ
ويَجْعَلْ الرُّوح الخَالِيَة مَعمُـورَهْ.. ويـزيّـنْ الأعـتَــابْ
شِفْت الصَّدَر ڨُلْت هَيّا نْزُورَهْ .. في غَفْـلَـة الخُطَّـابْ
نلڨَى البَيَاضْ شْبِكْ فِ مَحْصُورَة..وِرَاسْ النّهِدْ عِنَّابْ
تَبَدّلْ نَمَشْهَا مِ السَّوَاد لِحْمُورَهْ.. مرجان فُوق اسْخَابْ
هَبْطِت خجَالي مِسَربِلَة مضْفُورَهْ..دَارِتْ عَلَيَّ حْجَـابْ
نَحّيت سِتر الخِصر والمَحجُورَة .. وْنَا صَاحبِكْ خنّاب
..........................................
الحلاج الكافي..
جانفي 2023.
فِي ثْنِيتَكْ ما لْـڨِيتٍشْ حِيـنْ
بِـلادْ ڨَـوَازيـنْ ..
وكَرْطُـوشْ وبرْشَـا امْڨَـارينْ*
----
كرْطُـوشْ وبَرْشا فرْسـانْ
وجِيشْ وقُبْـطـانْ..
وجْبالْ وخنْڨَـة وْوِديَـانْ
الذّيبْ الوَطّـانْ..
امْكشِّـرْ ع انْيَـابُو جِيعَـانْ
وغَابـة فِرنَـانْ..
لا فيها مَسْكَنْ لا خَــانْ
جحُـور الضّربَـانْ..
يغطّيها حجَـر الـصّـوّان
وطَرْفَـة ومِثْنَـانٔ..
تِكَذّبْ إلّي راتُـو الـعِـينْ
لا صَـدْرْ احْنِيـنْ..
غِيـر رْجُـولَة وتسَلٔـطيـنٔ
كَـرْطُـوشْ مْـغـمّـر بالـرًشّْ
وْرَجَّـالة تِـنِـشّْ ..
مْطَاليـڨْ ومَا فيهُمْ غُـشّْ
فِي بْـلاد عطَـشْ..
لا خـلُّـو مََـكْـرَكْ لا عُـشّْ
والذّيب ارْكِـشْ..
مَرعُوبْ تخَبّي فِ الڨـشّ
والضّبْـع تَـهَـشّ..
خايفْ يُزْدُم يِمْشِي إنْتِـشْ
نَصبُــوا الـعِشِـشّ..
دارُو سَهْرة بِلَاشّ غْـوَشْ
وِالْـعِطـر مْـرَشّْ..
لا جَاهُمْ غْريبْ ولا خَـشّ
تعَـشّـو وْ باتُـوا سهْـرانين
ومْعَـاهم غِـيـنْ..
تغْـلَى وْمَـا يِخَلّصهَـا ديـنْ
كَرطُوشْ مْرَصّصْ وسْخُـونْ
وَسْط المَقـرُونْ
مْعَـمّـر ورُمّـانُو مجْـنُـونْ
لا يقـدّ يخُـونْ
ولا يقُلّي فْـرَغ المَـخـزُونْ
صَنْعَة شمْعُـونْ
لا يَرحَم لا يقُولْ أشْكُـونْ
(الحـلّاج الكـافي).
* مْڨارِينْ : بنادق.
منْ دونكْ يتْشَغْشبْ بَالي
و يسَخِّفْ حَالي
تڨُـولْ يتيمْ بَـلاَشْ امَّْالي
---
تُـڨـُول يتيـمْ بَلاشْ حَنِينَـة
لا عِندُو عَـمّة لا خَـالْ
زادْ فْـلِسْ ڨـعَـدْ رهِـينَـة
لا وَارثْْ لا عنْدو مَالْ
ڨـاعِـدْ هَـايمْ في ترْكينَـة
حِمْلو ما ڨـدْروهْ جْمَالْ
يتذّبِلْ و الحالة ضنينـة
يسمع ف للّي ما يتْـڨَالْ
شراعو مكسّر مثل سفينة
لا شبْكة لا خيــط حبال
معزولْ بعيدْ عَلى المِيـنَا
لا حَـــدّْ سَــأل لا قَـــــال
متضعْضَعْ عايش فِ غْبينَة
يمشي فوق الأرض خيالْ
و لا من دفّـاهْ بتحْضينة
و لا منْ هَـزّ معَاهْ أحْمَالْ
قلْ لي يا طُفْلة و اخْطينَا
و جاوبْ يا عينْ الجفّالْ
و قتاشْ الـرّيح يُــواتينا
و نعيشُـو خَالة مع خَــالْ
لا حاسدْ يتْشمِّتْ فِـينَــا
نتْـلاقُـو نجْمة مع هَــلالْ
و يتْسَلّكْ صُوفي يسَـدّينَـا
غطانا يولّي دَقّ خَـــلاَلْ
و نمشو لفْـراشْ يغَـطّينا
حتّى مُـوشْ فراشْ حَـلالْ
يَـغْـفـرلي العَـالي
و يمْسَحْ زلّاتي و أفْعَـــالي
نَـايَـا و أمْثــالي
إِللّي حَـرْثوا في الشّعْـر اقْـدَالي
و من دونك يستشغْشبْ بالي
و يسخّفْ حَـالي..
تـقُولْ يتيـمْ بَـلاش امَّـــالي
الحلّاج الكافي (المهدي القاطري) .
تونس في جانفي 2018
لا بغِـيتْ تفهـمْ لا قـريتْ حسـابي
في عشقتـكْ ضيّعـتْ كـلّ شبـَابي
عـدّيتْ صُـغْري صـابـرة ونتْـمنّى
وردّيـتُـهـمْ خُــطّـابْ دَقّــو بَـــابي
وبعثتـلكْ مكتوب وخَصْلَة شَعْــري
يا خسارتك ما قدرت تقرى جوابي
نَا ضفَـرتْ شِيبي والخواطر ملّـتْ
ودفنـتْ في وسْطْ التّـرابْ سخَـابي
وشـمَّـتّ فيّـا حَـاســدي وعــدويــا
طِـينـكْ قُـلُـلْ مَـا يجـيشْ طينْ خّــوابـي
لا بغِـيتْ تفهـمْ لا قـريتْ حسـابي
في عشقتـكْ ضيّعـتْ كـلّ شبـَابي
عـدّيتْ صُـغْري صـابـرة ونتْـمنّى
وردّيـتُـهـمْ خُــطّـابْ دَقّــو بَـــابي
وبعثتـلكْ مكتوب وخَصْلَة شَعْــري
يا خسارتك ما قدرت تقرى جوابي
نَا ضفَـرتْ شِيبي والخواطر ملّـتْ
ودفنـتْ في وسْطْ التّـرابْ سخَـابي
وشـمَّـتّ فيّـا حَـاســدي وعــدويــا
طِـينـكْ قُـلُـلْ يجـيشْ طينْ خّــوابـي
الحلّاج الكافي ..
شَـامَـات..
شَامَات ع الوِجْـه بانُـوا سُـودْ
عَمْلـوا حُـدُودْ..
مَـا بيـنْ رَڨـبَـة ووَرْد الخُـدُودْ
شامَات عَ الوِجْه عَمْلُوا عَـلَامَة
وزادُوا ذْخَـامَـة ..
لطُفْلة مِنِ الْكَـاف سِلْسَة وْڨَامة
شَامَات عَ الوِجْه تَنْقِيط أكْحَـلْ
تشِيـر وتَرْحَـلْ..
على خَـدّ طُفْلة بالـزّين تِسْـحِـلْ
شَـامَـات ع الخَـدّْ زادٌوا بَهَـاهَـا
كٌنـت مْعَـاهَـا ..
وعَلّيت في الصُّور لا مِنْ يَرَاهَا
شَـامَـات بَـانُـوا وْعَمْـلُـوا حَـالَـة
وزادُوا كْمَـالَة ..
عَلَى صَـدر الرّخَـام مِنْ بَـرّ تَـالَه
شـامَات عَ الخَـدّ هُـومَـا هُومَـا
قـرانِـيــط رُومَـا
تَنْقِيط مَتحُوفْ وِلْـد البلُومَـا
شَـامَـات عَ الـزّنْـد بَـانُـوا وْهَــامْ
وْنَصبُـوا خِـيَـامْ..
ومِنْ شَافْهُم فطَـر وِنْسَى الصّيَامْ
شَامَـات كاللْيـلْ أَظْلَـم دِحِـيـسْ
لا يَـرَاهُـم كْسِيسْ ..
كِالْحَـبْْ مَنْـثُـور غَـالِي انْفِـيـسْ
شَامَـات حَطُّوا عَلَى وَكْر الْحَجَلْ
وعمْلُـوا غْـزَلْ ..
مِـنْـدَافْ مَنْـصُـوبْ لِلّـي حُصُـلْ
شامَات تَنْـقِـيط مْطَـابِع كْـتـابْ
سُـودْ غْــرَابْ ..
مْخَبّينْ بالسّتْـر تَحْت الحِجَـابْ
شَامَات عَ الخَدّ بَـانْ ضْوَاهُمْ
قُلْت نْـراهُـمْ ...
تسْطِير وتَنْقِيط رَبّي عْطَاهُمْ
(نصّ منذ سنة خلت )
----------------------------------------------------------------
يا منْ يتــــــوه ببسمةٍ
يا من يـــــذوب بقُـبْلةٍ
يا من يقاسمني الوسادة و الفراش و الرّكونْ
أخاف عليك من القبيلة و المسدّس و الجنونْْ ...
و أخافُ هدْر دمائكَ
و أخافُ غيْم سمائكَ
و أخافُ يُتْمِي بعدكَ
و أخاف غيبتك الطّويلة
لو صادفتك رديفتي
أو غازلتك شبيهتي
أو من تكونْ ..
وَخبّأتك بعينها تحت الجفُـون ...
و يتَّـمَـتْنِي بَعْدَكَ
يَا سارقي ..
يا أيّها اللّص الحنُـونْ
يا من تُصَـادِفُهُ الخِيَـانَة ...
فيخُــونْ ..
------------
الحلاّج الكافي .....
السّرس (4 جانفي 2015) ..
