يــا النّــاظـرة في مــراية الأَعْـمَـارْ
بـِ بهْـتَـة وَسْـط الــــدّارْ ..
لا تحـزني
و لا تعـدّلي تجَاعيـدكْ
لا تنـدمي على صُغْـر
ضـوَّى جيـدكْ
الـعُمْـر ماهُـو بيـدكْ
و الوقت يجـري كما ماء الأنهـارْ
و لا حـدّ يقْـدر يحبّـس التيّـارْ ..
و كِ ننصحـكْ.. اختار ْ..
وافْهِـمْ..
جمـال الـرّوح ما يَنْهَـــار ْ
مازال فيك أسْــرارْ ..
و مازالتْ روحـكْ نبْتَـهـا النّــوّارْ
و مازال قلبـك ينْضحْ بخنّــارْ
وما زلتْ إنْتي .. إنتي ..
و ما زلتْ ننظـمْ فيـك ْ
بََــرْشــا أشعَـــارْ..
و مازال صوتك.حُـلـوْ مثـل غنايَــا
و مازال في محَاكـيـكْ
برشا ضمــــارْ..
و مازلتْ انتي الجُـرح و انتي دوايَــا
و مازال قـدْح النـارْ .. هوَّ النّـارْ.
و مازلتْ انتي غايتي و مرْجايَـــا
و مازلتْ انْتي العِطـرْ و العَطّـــارْ ..
وانتي اللّـي ديما تفـرّحكْ الهدايـا
وأنا اللّـي ديما نـراك ضوّْ فنَـارْ
لا تعــاَدلكْ في الـزّين طفلة صغيرة
هُـمَّا الـرّماد وانتِ لهِـيبْ النّــارْ
.....................................
المهدي (الحلّاج الكافي)
ليست هناك تعليقات:
إرسال تعليق