نَا صاحبي بدّلْ رَضَى بِعْواضي
شدّيتْ نلْقى الفََاضي
قصّْ الحَشَاشة ذَبَحْ ذَبْحْ المَاضِي .
---
نَا صاحبي بدّلْ/ رَضَى بخـلافي
رمى حجْـرتو فِ - احْدافي
رغَبْ/حَبّْ بعد الودّ مُوتي جِيـافي
ذبحْني ذبيـحْ الحَافي
و بعدما صفيتْ و هْـديتْ لحْمْ أكتافي
فسُّدْ غُنايا و نفْحتي و أغْراضِي
نا صاحبي بدّل/رضى بِعْـواضِي
---
نَا صاحْبي بدّل/ رَضَى بالـغِـيرْ
رَمَاني فْ قَـاع البيـرْ
فسّخْ/ مَحَـا قصّة غَـرام كـبيـرْ
يَامَا عمَلتْ الخِـيرْ
وعملتْ من كفّي طريق مسيرْ
و حرَّمْتْ عَ عِـينَيّْ حتَّى غْمَاضِي
نا صَاحبي بدِّلْ/رضى بِـعْـوَاضي
---------
ليست هناك تعليقات:
إرسال تعليق