كلّ عام نودّع ديسمبر .

كُـلّ عَـام نُـودّع  دِيسَمْـبَـرْ 

ونفتـح شُـبّـاكي  الجـديـدْ

وكلّ عَــام ندفـع ونخـسَـر

ونـدفــن الحُـــبّ  التّلــيـد

ونُـتـركْ المَـاضي ونسْـكـرْ

ونَنسَى عُـمـري ومَا يزيـدْ

ثـمّ   نستَـغـفـر   ونِـغْـفَــرْ 

لِلّي  ڨَـلبُــو  مـنْ حَـديــدْ

لِلّـي ظـنّي ڨَـلْـبُـو يِـكْـبَـر

وهُـوَّ احسَـــاسُـو جَـلِيــدْ 

للّـي  مَـا  نَـادتْـنَـا نَسْـهَــرْ

وبِـيتُهَـا مَـا تِحفَـلْ بٍـعِـيـدْ

يَـالٌـي انْـتِـي مِـثْـل سُـكَّـر

تِـذُوبي في كاسْ المُـريـد

يَـالِّـي بُـسْـتَـانَـكْ مِـنَــوَّرْ

غِيـري مَـا عِنْـدَكْ مُـعِـيـدْ

ياللّـي  اِنْسـيتينـي تِـذَكّـرْ

وحِلِّـي صُنــدوق الـبَريــدْ

الحلّاج الكافي (م.ق.)

2021