ناوي نمْشي لصدّينْ
نُشربْ من العينْ
الشّهْدهْ و الخُبزْ بنِينْ
و نرقدْ نتْهَـنّـا ..
ناوي نمشي للكافْ
بخطوات خَفافْ
و ثمّة نبرّد لطْرافْ
و تحْلالي الغُـنّـا..
ناوي نمْشي للسّرس
في نهار العرسْ
نطيّرْ وكْسْ على النِّفْـسْ
كي تغَـنّي مَــنَّـا..
ناوي نمشي لـلّاسْ
نذُوقْ الفَرْماسْ
تـوّة نرجعْ لابــاسْ
كي نشُوفْ الجَـنّـا
ناوي نزُورْ الحمادَهْ
كراسي الشـدّادَهْ
نلْقى جُـدودي كالعادَهْ
القَصْبَة و الدّنّــا
نَـاوي نمْشي و نِتْـفَـكّرْ
الشَّرْكَـة في مكثرْ
الكرمة و النّسمة تسْـحرْ
نَجيها و نِـتْعَـنَّــا
ناوي نمشي لعَـبيـدَهْ
في حلّـة جديدَهْ
و نُغْرفْ قمحه و سَـميدَهْ
من خير وَطَـنّـا..
شاهي نشْربْ لَـبْناتْ
شنِينَـة و زبْداتْ
زوارينْ أرضْ النّخْـواتْ
و فُـرْسَانْ احْصُنّــا
ناوي نمشي لزنْفُـورْ
و نـدْخلْ لُـقْـصُـورْ
نزُوركْ سيدي منْـصُورْ
ببْـخُـورْ و حِـنَّــا
ليست هناك تعليقات:
إرسال تعليق