إذا حضرتْ للمعرض كـوثـر .. جِـيب الـورد ووزّع وانثــر
حتى اتطيبْ عطور المجلـس..واللّـي ناسِـيـهَـا يتـذكّـــر
ولين الشّاعر تفيض أشعارو..ويبهتْ في وصايفها ويشعر
ويكتب ياما أشعــــار عليهّــا .. حتّـى المغيــارة تتحّـيّــر
وخلّـي خطـــوتهَـا برنتهَـا .. تقولي ماجوراتْ الـعسكرْ
وإلا تقولـو Star في كان .. تمشـــي ع السجّـاد الاحمر
وياللّي شكّيتوني ساكر .. اليوم صاحي وحالف لا نسكر
دوّوخني سرّك وحضورك.. وشكّرني ها القدّ اِلْ يسحــرّ
ليست هناك تعليقات:
إرسال تعليق