قال صديقي الشّاعر أبو أمين البجاوي في مشاكسة شعريّة بيني و بينه ، و ممكن مع بعض الاصدقاء الآخرين لوصف حالة الفنّان المادية و المعنوية :
لا كسبت بقرة .. و لا ذوّبت سمَنْ
ضاع العمر في الفنّْ ..
نهار اللّي نموتّْ.. تسلّفولي كفَنْ
فقلت :
يا صاحبي بطول العمر اطْمانْ
أصل الكفن ما يلبسو فنّانْ
و أصل القبر كِ يشوفنا يتْبسّمْ
و يجعل كسانا الورد و الألوانْ
و يهبّ الرّواح في رقادنا و نتنسّمْ
و يتقام عرس الشّعر و الألحانْ
نحنا الخلود و النّور .. و اللّه نُقْسِمْ
نبقو علامة على طول زمانْ
و نحنا قوس النّصر يومْ المَرْسمْ
فتنا أمجاد الفُرْسْ و الرُّومَانْ
و نحنا لباسنا الفنّ لِلّي يفهم
و عمرو ما كانْ لباسنا الأكفانْ
و نحنا دموع الحزن علينا تُحْرَمْ
و نحنا الكرم و الفضل و الفرسانْ
لا مال قادر قهرنا و يتكلّمْ
قارون يبكم فِ حضرة الانسانْ
ياما غنيّ ملك الخزاين قسّمْ
مات كالغريبْ و كفّنو النّسْيانْ
…………………
الحلّاج الكافي /المهدي ق.
-------
و قالت الشاعرة زهرة حوّاشي :Zohra Hawech i
-----
الشاعر و الفنان مثل الطير ...
يلبس كساوي مبدعة بالوان ...
و يحوم في القلوب يزرع خير ...
يجلي الوكس و يبدد الاحزان...
و عند اللي يفهم خاطرو فنونو...
يزهر ربيع الورد و الريحان ...
و العاشق الممحون تزيد محونو ...
و يسبح ف بحر الحب و هو ولهان ...
و افراحنا و ضحوكنا تكفّنّا
و تغطي فوق قبورنا البلدان
و الكفن عنبر قيز لازم يرشى
و تقرضو تحت اللحود ديدان
لكن الفن علوم بيها نخلّد
و يتفكرونا الف عام و عام
-------------
و قالت الشاعرة راضية جوينيRadhya بلغة فرنسيّة عتيقة كخمر عتيق :
Troubadour de toujours
La richesse,je ne l'ai jamais cherchée
Elle m'a tout le temps évitée
Je ne suis qu'un ARTISTE
Je me nourris de vers
Je bois des rimes et des synonymes
Je respire des couleurs
Peintre,j'egaie les humeurs
Bleu,je suis le ciel,je suis la mer
Émeraude, mon vert est précieux
Mon rouge est passion
Poète, je survole les malheurs
J'endors les douleurs
Je sème les douceurs
J'eveille délicieuses senteurs
Écrivain, je ne suis qu'un témoin historien
Je suis là société et son quotidien
Je suis maître, je suis compagnon
Pour l'inculte, le solitaire
Un poème en chanson me détend
Un roman me nourrit tel une maman
Un tableau, de couleurs m'eblouit
Aucun besoin de votre argent
Je suis artiste indépendant
-----------------------------------------------------------------
وقالت الشاعرة زهرة حواشي :
نحنا حجر ها الوطن ..و سيسانه
و نحنا امسكنا بحور الشعر أمانة
بابا و جدي و جد جدي سقانا
حب الوطن و الفن جميع الوانه
رضعناه في الحليب م الحنانة
و اليوم ثمة رهوط جهل مهانا
متنكرة للعلم و الفنانة
لو كان يلقو حين يردمونا
في كهوف ظلمة موش حتى في جبانة
و الواجب يحتم علينا نقاوم
هبوا يا شعراء و يا جميع الفنانة !!
نغنو نرجعو تونس المزيانة !!
------------
ليست هناك تعليقات:
إرسال تعليق