آحْحْحْيت تِكْويت بالجمرْ
آحْحْحْيت من جُرح غارقْ
داويت بالكاس و الخمرْ
و طفّيت سامور حارقْ
و عانيت من علّة الصّغرْ
و عشقْتْ غزال المفارقْ
و تعرفتْ بالعكس و القهر
و تتهمتْ و ما كنت سارقْ
و صبرتْ و فنيتْ م الصّبرْ
و تضربتْ ضَرْبْ المطارقْ
و تعطبتْ و تجرحتْ في الصّدر
و الغرب و للّى* مشارقْ
يا قلبْ ارتاح في الكُبْرْ
لا تبردْ لا تبات عارق ...
____
*وللّى : أصبح
--------
الحلاّج الكافي.
01 جانفي 2015
ليست هناك تعليقات:
إرسال تعليق