مهــابيــل..

 

مهَـابيـــلْ

نومهـم قليـلْ

لا غزلْ لا غزيلْ

لا حرثْ لا نخيلْ

لا حصان في مربط الخيلْ

مجانينْ ..

سهروا اللّيلْ ..

آشْ لزّهم

لحدّ الهوى سيف قاطعْ

على ريشة القلب

ماشي وراجعْ ..

يحيّر الجمرة

يزيد المواجعْ

جمْرو شعيلْ

و زايد الكيلْ ..

و لا لقوش للقلب شافعْ

و من ذلّهم يقعد ذليلْ

قالوا اصحاب المراجعْ

في ليلْ هاجعْ

نورُو فتيـلْ ..

و صُبْحو باطي ثقيلْ

----------

الحلّاج الكافي/ المهدي ق,

تونس في 21 جانفي 2018