مرايــة الأعمــــار ..

 

يَـا النّاظِـرة في امْـرايَـة الأعمَـارْ

بِـبَـهْـتة وِسْـط الـدّارْ ..

لا تحــزني

ولا تعَـدّلي تجـاعيــــدكْ

لا تِـنْـدمي عَـلى صُغْـــر

ضــــــوَّى جَـيـــــــدكْ

العُمـر ماهو بيـدكْ

والوقت يجري كـما مـاء الأنهـارْ

ولا حدّ يقدر يحبّس التيّــار ..

وكي ننصحك اختار ْ..

وافهم جمـال الـرّوح ما ينهـــار ْ

مازال فيك أســرارْ ..

ومازالت روحكْ نبْتَها النّــوّارْ

ومازال قلبك ينْضحْ بخنّــارْ

وما زلتْ إنْتي .. إنتي ..

وما زلتْ ننظمْ فيك

خيــرْ أشعـــــــــارْ..

ومازال صوتكْ حُلوْ مثل اغْنايــا

ومَــازال في محاكيــك

برشَــا ضمــــــارْ..

ومازلتْ انتي الجُـرح و انتي دوايَـا

ومازال قَـدْح النارْ .. هُـوَّ النّــارْ.

ومازلتْ انتي غَـايتي و مرْجايَــا

ومازلتْ انْتي العِطـرْ و العَطّــارْ ..

وانتي اللي ديما تفـرّحكْ الهدايـا

وأنا اللي ديما نراك ضوّْ فنَـارْ

لا تعأاَدلكْ في الـزّين طفلة صغيرة

هُـومَّا الـرّماد وانتِ لهِـيبْ النّــارْ

......................................

المهدي (الحلّاج الكافي)

02 جانفي 2017