أنا مشيت للبحر .. وسألت .

 

أنا امْشيتْ للبَحرْ،

وسألتْ مُوجَا

على زينْ دُوجَا

هجرتْ قصْبة الكافْ وعالي برُوجَا

***

انا مشيتْ للبحرْ و سألت شَـطُّو

على ناسْ خَـطُّو..

تغَـرُّو بمركبْ الماء .. و عليهْ حَطُّو

و صافُو و هَـطُّو

وبعْـدُو ع شطّ النّجَـا.. تـودّرْ البَـطُّـو

و الّلِي دخل بحر الهوى .. يُصْعُبْ خُروجَا

***

أنا مشيتْ للبحـرْ.. و سَـألتْ مَـــاهْ

على زيـنْ جَـاهْ

قطّع بُـرورْ من الكافْ ..طالبْ بَـرَاهْ

لا مِنْ شَـفَـاهْ..

دلُّوهْ على ماء البحر .. و مِلحُـو دُوَاهْ

و بحرْ الهوَى أبوابْ .. كثـيـرة نهـُوجَا

***

انا وصلتْ للبحرْ.. و سألت رَملُو

على أحبابْ هِـمْـلُو

عملو في خاطري .. ياما عَملُو

جارُو و ظلمُو

اختارو من الكبد قطعة ..و شِلْمُو ..

حتّى صعب العليّْ و .. دروجَا

انا مشيت للبحرْ .. وسالت مَرسَى

على زين خُرْسْا..

شقّت غريقْ لمْيَاهْ .. ما بًاتْ تَرْسَى

اِنْصَبتْ العَـسًّا..

في ليل وظلام يطـوال .. نُـومي غَـسَّا

وبقيتْ صيفْ وخريفْ ..محكومْ خُـوجَا

مقتطف من نصّ "نَـامْشيت للبَحر".. -------- أنا مْشِيت للْبَحر .. وسْـألت مُـوجَـهْ على زِيـنْ دُوجَـة ... هَجْرَت حَـارَة الكَـافْ .. وْعَـالي دُرُوجَهْ ---- أنَـا مْشِيـتْ لِلْبحـرْ.. و سَـألتْ مَـــاهْ على زيـنْ جَـاهْ.. اڨْـطّـع بُـرورْ مِ الكَـافْ ..طالِبْ بَـرَاهْ لا مِنْ شَـفَـاهْ.. دلُّوهْ على مَـاءْ البحَـر .. وْمِـلْـحُـو دُوَاهْ وْبَحـرْ الهَـوَى أبْوابْ.. كْثِـيـرة نهـُـوجَـهْ وْنَـا مْشِيـت لِلْبَحـر .. وِسألْـت مُـوجَـهْ ---- نَـا مْشِـيـت للْبَحْـرْ .. وَحـدِي نِـسْـألْ على زيـنْ مَحفِـلْ .. مَحسُود في النّـور .. خْدُود الـقُرنْفُـلْ في حـريـر يِـرفِـلْ.. عَـرضُـوه للْمُـوت ... وْمَـا حَـبّ يجْـفِـلْ وْعِشْڨِتْ مِ السّرسْ .. مُوشْ مِ العلُوجَهْ وْنَـا مْشِيـتْ للْبَحـر .. وِسْـألْـت مُـوجَــه ..... الحلاج الكافي ..

16 أوت 2020