قالتْ ما ترْقدشِي بكْري .. راهٌو نوم اللّيل خسارة.
العُمر قصير وديمة يجري .. ولبْناتْ يحبُّو السهّارة
لبناتْ يحبُوا السهّارْ .. واللي بكلمة يشعّل نارْ
ويحبّوا العاتي القمّارّ.. يزدم ما يخاف الحَزّارة
راهو نوم اللّيل خسارة
لبناتْ يحبُّو اِلْ يِسْعِدهمْ .. واللّي ك يغيبوا يفقدهمْ
واللّي في ليلو يعبدهم .. وفي صباحو يذبح كفّارة
لبنات يحبّو السهّارة
لبنات يحبّوا اللّي يسهر .. واللي يقمّر واللّي يسكرْ
واللّي كِ ينادواوا يحضرْ .. ومقرونو معمّر بعمارهْ
راهو موم اللّيل خسارهْ
لبْنـاتْ يحِبُّـو إللّي يسْـكِـرْ ..
وإللّي يلْـعَـبْ وإللّي يخْسِـرْ
وإللّي يُـدْخـلْ بـرّْ الخَـالـي..
واللّي يغـنّـي وإللّـي يُشْـعُـرْ
وإللّي يشـقّ طـريق صعيبـة
وإللّي سـلاحُـو دِيمَـة معَمَّـرْ
وإللّي "مقـرُونهْ" مُطـاعَــةْ
يضْرب وِيــنْ يِبَــاتْ يِشَبَّـرْ
وإللّي مغْنـاهمْ في غنـاهــمْ
وإلْلّي يِجّلِـبْ زيـنْ المَنْظـرْ
وآلْلِّـي ما يبَـاتِـشْ في دَارَهْ
وميعــاد المــلْـقـى يِتْـذكّــرْ
لٍبْنَــاتْ يحِبُّـــو السَهّـــارَة ..
---------
الحلّاج الكافي (م.ق.)
ليست هناك تعليقات:
إرسال تعليق