مَـا نَـادوليشْ نغـنّيلـكْ
و قَـالوا غَـابْ و مَـلّا راحَـهْ
و ذمّوا غَـنايا في تذْبيـلكْ
و فُ العينْْ السّودة الذّبّـاحهْ
و شمْتُو و قالـوا غاب خليـلَكْ
لاَ حَـصَرْ و لا ضَوَّى السّـاحهْ
و إلْلِّي من شُـوقو يشْكيـلكْ
حتّى اللّيل يبانْ صبَـاحهْ
و النّاكر في الزّين عَـديلكْ
حتّى كَــرْهُوهْ المَــدّاحهْ
و في غيابي نكْرُو تبْجيـلَكْ
و ما ذكـرولك حتّى سمَـاحهْ
و الحاسد طفّى قناديلك
و فرحي و فرحك ردّو مناحة..
*****
مَا نَـــادونيشْ نغـنّيلـكْ ..
و نُـنْـظُمْ في زينَـكْ لَـبْياتْ
و نمْـدَحْ بَـدرْ مَـضَـوّي جبينَـكْ..
حتّي يغيــروا بَـرّْشا بنَــاتْ..
و اللي فقـدوا قُـولي و هُـولي
شكُّــوا.. و قالــو يمكنْ مــات
و برْشَـا قَـوّالة هَنْتََــاشة
في غيابي عَـلُّـو لَـصْواتْ
………………………………
*قوّالة هنْتَاشة :لا يحسنون الشّعر..
المهدي/الحلاّج
ليست هناك تعليقات:
إرسال تعليق